Ekspert: Medianın İnkişafı Agentliyi bəzi məqamlara diqqət yetirməlidir

09-07-2021 / 17:11
"Son zamanlar az qala bütün internet media qurumlarımız multimediaya keçdiyindən onların yerləşdiyi serverlərdə böyük həcmdə məlumat bazaları formalaşıb.
 
Bunlar adrtıq dövlətin milli infomasiya resurslarıdır və qorunmalıdır. Media qurumları üçün datanı saxlamaq isə getdikcə çətinləşir və əlavə xərclər tələb edir. Xarici serverlərdə yerləşən resurslar operativlik üçün, təhlükəsizilik və arxivlərin yoxa çıxması baxımından da əlavə risklər yaradır.
 
Odur ki, Medianın İnkişafı Agentliyinin internet medianın hostinq və texniki- texnoloji problemlərinin həlli üçün dayanıqlı münbit şərait yaratması faydalı olardı.
Məsələn, bu problemlərin bir qisminin həlli üçün MEDİA NRYTN–in AzİnTelecom qurumu ilə birgə əməkdaşlıq çərçivəsində DATA Mərkəzdən və onun müəyyən xidmətlərindən istifadə imkanları yarada bilər.
 
MEDİA Data Mərkəzin serverlərini icarəyə götürə bilər və bütün media qurumları üçün bu xidmətdən istifadə pulsuz ola bilər. Bu, resursların sürətli işləməsi ilə bərabər, internet media qurumlarını bir sıra digər texniki problemlərdən də sığortalaya bilərdi.
 
Eyni zamanda milli domendən istifadə etmək istəyən media qurumları üçün də NRYTN-la əməkdaşlıq çərçivəsində .az domenlərinin qeydiyyatı və dəstəklənməsi pulsuz təklif oluna bilər.
 
Daha bir faydalı addım da internet media qurumlarına təhlükəsizlik və texniki problemlərin həlli üçün kadr məsələsində dəstək , təhlükəsizliklə bağlı peşəkar qurumaları cəlb etməklə media qurumalrı üçün gərəkli təlimlər, onların resurslarının pulsuz İT auditini təşkil etmək olar.
 
Eyni zamanda, fikrimcə, internet media qurumlarının reklam resurslarına əlçatanlığını gücləndirmək üçün internet reklam təşəbbüslərini, bu istiqamətdə müxtəlif onlayn platformaların, onlayn reklam şəbəkələrinin yaradılmasını, medianın onlayn monitorinq sistemlərini dəstəkləmək doğru olardı.
 
Ümumiyyətlə, düşünürəm ki, Medianın İnkişafı Agentliyi media üçün daha çox münbit və dayanıqlı şəraitin yaradılmasına, hamının faydalana biləcəyi addımların atılmasına, layihə yönümlü təşəbbüslərin, innovativ yanaşmaların dəstəklənməsinə diqqət yetriməlidir".
 
Azərbaycan İnternet Formunun Prezidenti Osman Gündüz

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.