Antivirus proqramları məlumatları və sistemləri təhlükəli, zərərli proqramlardan qorumaq üçün effektiv vasitələrdən biridir.
Bəs antivirus seçimi edərkən hansı funskiyalara malik olanlara üstünlük verməliyik?
Xeberler.az bildirir ki, bu barədə Elektron Təhlükəsizlik Xidməti məlumat verib.
– Şəbəkə trafikinə nəzarət
Bəzi antiviruslar şəbəkə trafikinə nəzarət edərək təhlükəsizlik divarı, yəni “firewall” funksiyasını yerinə yetirirlər. Bu, kompüterinizə və şəbəkənizə icazəsiz girişin qarşısını almağa kömək edə bilər.
– E-poçt təhlükəsizliyi
Antivirus proqramları e-poçtlardakı zərərli qoşmaları və ya keçidləri aşkar edib bloklamaq üçün skan funksiyasından istifadə edir. Bu, istifadəçiləri fişinq hücumlarından və e-poçt vasitəsilə ötürülən zərərli proqramlardan qorumağa kömək edir.
– Veb-sayt təhlükəsizliyi
Bir çox antivirus proqramları veb-saytlardakı zərərli məzmunu yoxlayır, zərərli ünvanlara girişi məhdudlaşdırır və zərərli yükləmələrin, eləcə də veb əsaslı digər təhlükələrin qarşısını alır.
– Valideyn nəzarəti
Bəzi antivirus proqramlarının valideyn nəzarəti funksiyası mövcuddur ki, bu, valideynlərə övladlarının onlayn fəaliyyətini idarə etməyə və izləməyə imkan verir.
