Apple şirkəti süni intellekt sistemləri üçün öz çiplərini istehsal etməyə hazırlaşır. Şirkət bu çipləri 2027-ci ilə qədər istifadəyə verməyi hədəfləyir.
Xeberler.az "TrendForce" nəşrinə istinadən bildirir ki, Apple "Broadcom" şirkəti ilə birlikdə "Baltra" kod adlı xüsusi çip üzərində işləyir. Bu strateji addım şirkətin "Apple Intelligence" xidmətlərini daha da inkişaf etdirmək məqsədi daşıyır.
Analitiklər hesab edir ki, bu layihədən ən çox faydalanan tərəflərdən biri "Foxconn" şirkəti olacaq. Belə ki, şirkət təkcə iPhone yığmaqla kifayətlənməyəcək, həm də Apple üçün süni intellekt serverlərinin əsas təchizatçısına çevriləcək.
"Baltra" çipləri ilə təchiz edilmiş serverlərin 2027-ci ildə işə salınması planlaşdırılır. Prosessorun hazırlanma prosesinin təxminən bir il ərzində yekunlaşacağı gözlənilir. "Wccftech"in məlumatına görə, yeni çiplərdə TSMC-nin 3 nanometrlik N3E texnologiyasından istifadə olunacaq.
Xatırladaq ki, 2025-ci ilin noyabrında Apple Siri səsli köməkçisində "Gemini" modelindən istifadə etmək üçün Google ilə razılaşma əldə etmişdi.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları