Xeberler.az bildirir ki, yeni tərtibatda hazırlanmış sayt müştəriyönümlü olmaqla əvvəlki versiyadan bir çox üstünlükləri ilə fərqlənir.
Belə ki, görülmüş işlər nəticəsində saytın yeni versiyasına bir sıra əlavələr edilib. Yenilənmə işləri çərcivəsində müasir üslüblu dizaynla yanaşı, ARPA terminalogiya lüğəti, üzvlük proqramları, assosiasiya tərəfindən keçirilən təlimlər haqqında məlumat əldə etmək olur. Eyni zamanda saytın xəbər və məlumatlar hissəsi yenilənərək oxuculara mütamadi olaraq yeni xəbərlər təqdim olunur.
Qeyd etmək istərdik ki, ARPA-nın üzvləri tərəfindən yazılan məqalələr
[email protected] email ünvanına göndərilərək saytda yerləşdiriləcək.
Bir sözlə müştəriyönümlü yeni tərtibatlı sayta daxil olan ziyarətçilər ARPA ilə bağlı istənilən təlim, forum, seminar və digər xəbərləri asanlıqla əldə edə bilərlər.
Xatırladaq ki, ARPA 2009-cu ildən fəaliyyət göstərir. Qurumun məqsədi ölkədə maliyyə, sığorta və idarəetmə sahəsində, xüsusilə mühasibatlıq və risklərin idarə olunması istiqamətində peşəkar yanaşmaların tətbiqinə təkan vermək və bu yolla Azərbaycanda iqtisadiyyatın dayanıqlı inkişafına töhfə verməkdir.
