“ASAN Könüllüləri” təşkilatına yeni sədr seçilib

23-05-2016 / 12:47

“ASAN Könüllüləri” təşkilatının ümumi yığıncağı keçirilib.

Xeberler.az-ın məlumatına görə, tədbiri giriş sözü ilə açan “ASAN Könüllüləri” təşkilatının sədri Fərid Sadıxlı bildirib ki, bu onun sədr olaraq son çıxışıdır. “ASAN Könüllüləri” təşkilatının yaranma zərurətindən danışan Fərid Sadıxlı, 2 il ərzində təşkilatın qazandığı uğurları iştirakçıların nəzərinə çatdırıb. 

Daha sonra  Fərid Sadıxlı “ASAN Könüllüləri” təşkilatının İdarə Heyətinə keçirilən seçkilərin nəticələrini açıqlayıb, idarə heyətinə yeni üzv seçilənləri təbrik edib. Həmçinin Fərid Sadıxlı qeyd edib ki, yeni təyin olunmuş idarə heyətinin  ilk iclasında Birliyin sədrinin səlahiyyətlərinin dayandırılması və yeni sədrin seçilməsi məsələləri müzakirə olunub, üzvlərin səsverməsinə əsasən, “ASAN Könüllüləri ” təşkilatının yeni  sədri Bəxtiyar İslamov seçilib.

 “ASAN Könüllüləri” təşkilatının yeni sədri seçilmiş Bəxtiyar İslamov  sədr olaraq ilk çıxışını edib.  Bəxtiyar İslamov çıxışı zamanı ona göstərilən bu etimada görə hər kəsə təşəkkür edib, təşkilatın gələcək fəaliyyət proritetlərini açıqlayıb, görüləcək işlərlə bağlı məlumat verib.

Tədbirdə çıxış edən Azərbaycan Respublikası  Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimov “ASAN Könüllüləri” təşkilatına yeni seçilmiş sədr və idarə heyətini  təbrik edib. Təşkilatın bu günə qədər olan fəaliyyətini yüksək qiymətləndirdiyini bildirən sədr, yeni komandaya da gələckədəki fəaliyətlərində uğular arzulayıb.

Dövlət Agentliyinin sədri  tədbirdə iştirak edən könüllülərin təkliflərini dinləyib, onları maraqlandıran sualları cavablandırırb.

 Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə