Asiyanın maliyyə texnologiyalarına investisiyalar artıb

05-11-2015 / 11:01

Cari ilin üç rübündə Asiya-Sakit okean regionunda maliyyə texnologiyalarına yatırılan investisiyaların həcmi 3,5 milyard dollar təşkil edib.

Xeberler.az xarici mətbuata istinadən bildirir ki, ötən il ərzində bu regionun bank olmayan maliyyə texnologiyaları şirkətləri 880 milyon dollar kapital qoyuluşu cəlb edə bilib. Bu barədə Accenture tədqiqat şirkətinin yeni hesabatında deyilir.

Ekspertlərin fikrincə, bu rəqəmlər yerli bank sənayesi üçün həyəcan siqnalıdır. Çünki elektron ticarət sahəsinin Alibaba kimi iri şirkətləri maliyyə sahəsində eksperimentləri dayandırmağı planlaşdırmayaraq tədricən ənənəvi bankçılığın təsir dairələrini ələ keçirir.

Hesabata görə, sərmayədarlar Asiya-Sakit okean regionunun maliyyə texnologiyalarına daha çox ödənişlərə (40 faiz) və kreditləşməyə (25 faiz) investisiya yatırıblar. 

İnvestorlar arasında daha populyar Çinin Alibaba və onun Ant törəmə şirkətinin maliyyələşdirilməsi olub. Həmçinin Hindistanın Paytm ödəniş əlavəsinə, bir neçə alternativ maliyyə və investisiya servislərinin hazırlanması ilə məşğul olan Ping An Insurance Group venture Lufax platformasına investisiyalar yatırılıb.

 

Xeberler.az 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.