Rəqəmli televiziyaya qoşulan ev təsərrüfatlarının sayı 1,65 milyarda çatacaq

27-05-2015 / 11:05

2010-2016-cı illərdə dünyada rəqəmli televiziyaya qoşulan ev təsərrüfatlarının ümumi sayı Asiya-Sakit okean regionunda artım sayəsində 1 milyard artaraq 1,65 milyarda çatacaq.

Xeberler.az RYTN-nin rəsmi saytına istinadən məlumat verir ki, “Digital TV Research” şirkətinin proqnozuna görə, 2015-ci ildə Asiya-Sakit okean ölkələrində rəqəmli televiziyaya qoşulan ev təsərrüfatlarının sayı 2010-cu ildəki 226,1 milyonla müqayisədə 605,5 milyonadək, 2020-ci ilədək isə 913,5 milyonadək artacaq.

“2014-2020-ci illərdə Asiya-Sakit okean ölkələrində rəqəmli televiziyaya qoşulan ev təsərrüfatlarının sayı 400 milyon artacaq, bu il isə artım 93 milyon təşkil edəcək. 2014-2020-ci illərdə 608 milyonluq yeni rəqəmli ev təsərrüfatının üçdə iki hissəsi bu regionun payına düşəcək”, - şirkətin hesabatında deyilir.

Saharanın cənubunda yerləşən Afrika ölkələri də artım potensialı yüksək olan region kimi qeyd olunur.

Bu regionda rəqəmli televiziya ev təsərrüfatlarının sayı 2020-ci ildə iki dəfədən çox - 2014-cü ildəki 27,5 milyondan 67,8 milyonadək yüksələcək.

Hesabat dövründə Cənubi Amerika ölkələrində rəqəmli televiziyaya qoşulan ev təsərrüfatlarının sayı 76,7 milyondan 151,8 milyonadək artacaq. Eyni zamanda, Çin 2020-ci ildə dünyanın ən böyük rəqəmli bazarına çevriləcək. Burada rəqəmli televiziya ev təsərrüfatlarının sayı qeyd olunan müddətdə 454,3 milyon təşkil edəcək.

Qərbi Avropada rəqəmli televiziya sektorunda artım cüzi olacaq. Burada 2020-ci ildə rəqəmli TV ev təsərrüfatlarının sayı 2014-cü ildəki 158,6 milyondan 173,5 milyonadək artacaq.

Bildirilir ki, 2020-ci ilin sonunadək dünyada televiziya ev təsərrüfatlarına rəqəmli texnologiyaların qəbulunun nüfuzetmə səviyyəsi 97,6 faiz təşkil edəcək.

Müqayisə üçün qeyd edək ki, 2010-cu ilin sonunda bu göstərici 30,5 faiz, 2014-cü ildə 67,2 faiz ev təsərrüfatı olub.

Xeberler.az

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə