Maliyyə texnologiyalarına qlobal investisiyalar ötən il 12,2 milyard dollara çatıb.
Xəbərlər-in RYTN-nin rəsmi saytına istinadən verdiyi məlumata görə, daha çox kapital ABŞ şirkətlərinə qoyulub. Bu barədə Accenture şirkətinin hesabatında deyilir. Vençur şirkətlər, dövlət fondları tərəfindən təqdim edilən məlumatları təhlil edən ekspertlər bildiriblər ki, maliyyə texnologiyalarına qlobal investisiyaların həcmi il ərzində üç dəfə artıb.
İnvestisiyaların cəlb edilməsi üzrə lider region ABŞ olub. Burada da kapital qoyuluşunun həcmi 2014-cü ildə üç dəfə - 2013-cü ildəki 3,39 milyard dollardan 9,89 milyard dollaradək yüksəlib. 2013-cü ildə artım 2012-cü illə müqayisədə 86 faiz təşkil edib.
Maliyyə texnologiyaları sahəsində investorlar üçün cəlbedici istiqamətlər ödənişlər olaraq qalır. ABŞ-da investisiyalaşdırma üzrə sazişlərin 29 faizi və əməliyyatların ümumi dəyərinin 54 faizi bu sahənin payına düşür. Cəlbediciliyə görə, ikinci yerdə kreditləşmə sahəsi qərarlaşıb. Aktivlərin idarə olunması və ticarət texnologiyaları Nyu-Yorkda xüsusilə populyardır.
Accenture şirkətinin proqnozuna görə, sığorta bazarı yaxın gələcəkdə maliyyə texnologiyalarında əsas istiqamətə çevriləcək, gələn ilin əsas texnoloji tendensiyaları bulud hesablamaları və Blockchain olacaq.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri