Banklar İT xərcləri artırır

01-05-2015 / 12:53

"Ovum” analitik şirkətinin tədqiqatına görə, 2015-ci ilin sonunadək pərakəndə bankların informasiya texnologiyalarına (İT) qlobal xərcləri 131 milyard dollar təşkil edəcək ki, bu da ötən illə müqayisədə 4,3 faiz çoxdur.

Xəbərlər RYTN-nin rəsmi saytına istinadən məlumat verir ki,  bu xərclər əsasən mobil və rəqəmli xidmət kanallarının inkişafına və avtomatlaşdırılmış bank sistemlərinin yenilənməsinə aid olacaq.  

Proqnozlara görə, 2019-cu ilədək makroiqtisadi vəziyyət yaxşılaşacaq və banklar diqqəti xərclərin optimallaşdırılmasına deyil, artıma yönəldə biləcəklər. Bu müddətdə illik İT xərcləri 157,6 milyard dollara bərabər olacaq.

 2015-ci ildə ən böyük xərcləri Avropa və Şimali Amerika bankları çəkəcək. Lakin İT infrastrukturunun inkişafına ən çox xərc artımı Asiya (5,6 faiz), Yaxın Şərq və Afrika (5,3 faiz) ölkələrində müşahidə olunur. Bu regionlardan banklar İT infrastrukturunun inkişafına ümumilikdə 29,9 milyard dollar yatırmağa hazırdırlar.

ABŞ və Kanada banklarının xərcləri 50,5 milyard dollar təşkil edəcək ki, bu da ötən ilə nisbətdə 4,7 faiz çoxdur. Avropa banklarının büdcəsi 3,1 faiz artaraq 42,4 milyard dollara çatıb. Lakin bütün pərakəndə bankların İT xərclərinin 32 faizi hələ də Avropanın payına düşür.

Analitiklər rəqəmli kanallara investisiyaların daim artmasını qeyd edirlər. Mobil bankçılıq üçün büdcələr 7,3 faiz - 4,2 milyard dollaradək, onlayn bankçılıq üçün 7 faiz - 10,8 milyard dollaradək artıb. Çoxkanallı inteqrasiya üçün xərclər 5,6 faiz artaraq 7,3 milyard dollara çatıb.

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə