Azərbaycan beynəlxalq İKT sərgisində təmsil olunur- Yenilənib

14-11-2016 / 11:34

Məlumat verdiyimiz kimi, hər il Birləşmiş Millətlər Təşkilatının (BMT) informasiya-kommunikasiya texnologiyaları (İKT) sahəsində fəaliyyət göstərən xüsusiləşmiş təsisatı - Beynəlxalq Beynəlxalq Telekommunikasiya İttifaqının (BTİ) təşkilatçılığı ilə "ITU Telecom World ” sərgisi keçirilir.

Sərgi hər il müxtəlif ölkələrdə keçirilir. Ötən il Budapeştdə təşkil edilmişdi.

Növbəti "ITU Telecom World 2016" sərgi-konfransı isə bu gün Tailandın Banqkok şəhərində öz işinə başlayıb.

 Xeberler.az-ın məlumatına görə, bu gün sərginin açılış mərsimi baş tutub.

Qeyd edək ki, beynəlxalq sərgidə ölkəmizi rabitə və yüksək texnologiyalar nazirinin (RYTN) müavini Elmir Vəlizadənin rəhbərlik etdiyi nümayəndə heyəti təmsil edir.

İKT sahəsinə aid milli nailiyyətlərin nümayiş olunduğu tədbirdə Nazirliyin əməkdaşları ilə yanaşı, Azərbaycandan İT şirkət, o cümlədən özəl, dövlət, qeyri-hökumət təşkilatları və onların rəhbərləri iştirak edir.

Açılış mərasimində Tailandın Şahzadəsi Maha Chakri Sirindhorn, Beynəlxalq Telekommunikasiya İttifaqının baş katibi Sadeze Zao çıxış edərək qonaqları salamlayıb.

Açılış mərasimindən sonra Şahzadə, BTİ-nin baş katibi və digər rəsmi şəxslər ölkələrin stendləri və pavilyonaları ilə tanış olublar.

Qeyd edək ki, sərgi-konfransda 30-dək ölkənin milli pavilyonları təkil olunub. Həmçinin,  xeyli sayda qlobal İKT şirkətləri və onların müxtəlif layihələri də sərgidə təmsil olunur.

"ITU Telecom World 2016"-da  müxtəlif mövzular ətrafında forumların, müzakirələrin keçirilməsi nəzərdə tutulub.

 

***

Qeyd edək ki, sərgidə Şahzadə Maha Chakri Sirindhorn,  BTİ-nin baş katibi Haulin Zao Azərbaycan pavilyonuna da baş çəkib.

Azərbaycan pavilyonunda Şahzadəyə milli hədiyyəmiz- kələğayı təqdim edilib. 

 

Məltəm Talıbzadə


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.