Macarıstanın Baş naziri Azərbaycan nümayəndələri ilə görüşdü

13-10-2015 / 11:04

Məlumat verdiyimiz kimi, Budapeştdə (Macarıstan) Birləşmiş Millətlər Təşkilatının (BMT) informasiya-kommunikasiya texnologiyaları (İKT) sahəsində fəaliyyət göstərən xüsusiləşmiş təsisatı - Beynəlxalq Telekommunikasiya İttifaqının (BTİ) təşkilatçılığı ilə "ITU Telecom World 2015” sərgisi davam edir.

Dünən sərginin açılış mərasimi baş tutub.

Macarasıtanın baş naziri Viktor Orban  və digər dövlət nümayəndələri,  İT şirkətləri ilə birgə sərgini gəzərək, qonaqları salamlayıb. 

Sərgidə müxtəlif ölkələrdən çoxsaylı nümayəndələrin iştirakı  Orbanı heyran edib. O,  iştirakçıların İKT-yə bu qədər marağının faydalı olduğunu qeyd edərək bu münasibəti yüksək qiymətləndirib.

Sonra nazir Azərbaycan şirkətlərinin stendlərindən başlayaraq sərgini gəzməyə başlayıb. İştirakçılarla söhbət edib, fəaliyyətləri ilə tanış olub.

Orban rabitə və yüksək texnologiyalar naziri Əli Abbasovla da  görüşüb. Nazir  iki ölkə arasında əməkdaşlığı yüksək qiymətləndirib. 

Orban həmçinin yerli şirkətlərimizin stendləri və fəaliyyətləri barədə müsbət rəylər bildirib.  

Qeyd edək ki, Sərgidə Huawei, Intel, Magyar Telekom, TDIA and ZTE kimi nəhəng şirkətlər, o cümlədən Azərbaycan, Çin,  Ciboti, Macarıstan,  Koreya Respublikası,  Malavi, Nigeriya, Səudiyyə Ərəbistanı kimi ölkələrin yüksəksəviyyəli nümayəndələri iştirak edir.

Beynəlxalq tədbirdə Azərbaycan rabitə və yüksək texnologiyalar nazirinin rəhbərlik etdiyi geniş tərkibli nümayəndə heyəti ilə təmsil olunur.

Beynəlxalq sərgidə İKT şirkətlərimiz stendləri ilə təmsil olunur. 

Məltəm Talıbzadə 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.