TƏDBİRLƏR

Qətər Əmirliyinin Doha şəhərində Beynəlxalq Telekommunikasiya İttifaqının (BTİ) “ITU Telecom World 2014” sərgi –konfransının açılış mərasimi keçirilib.

Xeberler.az-ın məlumatına görə, açılış mərasimində "Ooredoo Group"un Direktorlar şurasının sədri Şeyx Abdullah bin Məhəmməd bin Səud Al Tani, Qətərin baş naziri Şeyx Abdullah bin Naser bin Xəlifə Al Tani, İnformasiya və kommunikasiya texnologiyaları naziri Hessa Sultan Əl-Cabir, Beynəlxalq Telekommunikasiya İttifaqının baş katibi Hamadun Ture, rabitə və yüksək texnologiyalar naziri Əli Abbasov çıxış edib.

Tədbirdə Azərbaycanı rabitə və informasiya texnologiyaları naziri Əli Abbasovun başçılığı ilə təmsil edən nümayəndə heyətinin tərkibinə Rabitə və İnformasiya Texnologiyaları Nazirliyinin əməkdaşları ilə yanaşı, Azərbaycanda fəaliyyət göstərən İKT şirkətləri, QHT-in təmsilçiləri daxildir.

Rabitə və yüksək texnologiyalar naziri Əli Abbasov çıxış edərək Azərbaycanda İKT sahəsində həyata keçirilən tədbirlər haqqında geniş məlumat verib. Açılış mərasimindən sonra sərgidə iştirak edən çoxsaylı ölkələrin stendlərinə baxış keçirilib.

BTİ-nin, QATAR Əmirliyinin və müxtəlif ölkələrin rəhbərləri Azərbaycan stendi ilə tanış olublar. Sərginin açılış mərasimindən sonra müxtəlif mövzularda forumlar, diskussiyalar və panellərdə müzakirələr başlanıb.

Sərgidə 40-a yaxın şirkət sərgidə iştirak edir. Dekabrın 10-dək davam edəcək tədbir çərçivəsində Azərbaycan nümayəndə heyətinin müxtəlif ölkələrin müvafiq qurumlarının rəhbərləri ilə ikitərəfli görüşləri, bölmə iclaslarında iştirakı nəzərdə tutulub.