AZNET

Rabitə və informasiya texnologiyaları nazirin müavini İltimas Məmmədov başçılıq etdiyi deleqasiyası ilə İrana rəsmi səfər edib.

Bazar günü Məmmədov İranın rabitə nazirin müavini Mehdi Əxəvan ilə görüşdə ikitərəfli münasibətlərini müzakirə edib. Məlumatı İRNA agentliyi yayıb.

Əxəvan deyib ki, İran internet-trafikin Azərbaycandan keçməsində marağlıdır, və Azərbaycanla bu sahədə əməkdaşlıqın genişlənməsini istəyir.

Onun sözlərinə görə, iki ölkə arasında ilkin razılaşma artıq əldə olunub, və ölkələrin coğrafi yerləşməsi əlverişli olduğuna görə, məlumatın tranziti böyük gəlir gətirə bilər.

Azərbaycan deleqasiyası həmçinin İranın poçt kompaniyasının direktoru ilə görüşüb. Görüşdə iki ölkə arsı poçt sahəsində əməkdaşlıq müzakirə olunub. İran Azərbaycana elektron kommersiya, iki ölkə ərazisindən keçən poçt tranziti, poçt markaların istehsalı sahələrdə əməkdaşlığı təklif edib.

Deliqasiya həmçinin "Post Bank" dövlət kompaniyasının direktoru Muhamməd Həsən Mohebyanla görüşüb. Görüşdə Azərbaycan və İran arasında pul köçürmələri sistemin yaradılması, investisiyaların yatırılması və Post Bankının filialların açılması müzakirə olunub.

Bundan əlavə, Azərbaycan deleqasiyası İranın rabitə nazirin texnologiyalar üzrə müavini Muhamməd Kərəmpurla görüşüb. Görüşdə İKT sahəsində əməkdaşlıq, rabitə və informasiya texnologiyalar sektorun tənzimlənməsi sahəsində təcrübə mübadiləsi müzakirə olunub.