Azərbaycan Türkiyədə keçiriləcək beynəlxalq poçt xidmətinə dair seminarında iştirak edib

27-10-2009 / 18:32

Türkiyə paytaxtı Ankarada “İqtisadi Əməkdaşlıq Təşkilatı üzv dövlətlərin poçt-maliyyə xidmətləri arasında əlaqələrin yaradılmasının texniki aspektləri” adlı seminar keçirilib.

Hər il təşkil olunan tədbirdə İƏT təşkilatının 7 üzv dövləti - Azərbaycan, Əfqanıstan, İran, Qırğızıstan, Pakistan, Tacikistan və Türkiyə nümayəndələri iştirak ediblər.

Seminarda üzv dövlətlərin poçt-maliyyə xidmətlərinə dair prezentasiyalar nümayiş etdirilib, poçt-maliyyə xidmətlərinin inkişaf etdirilməsi sahəsində gördüyü işlər və bu istiqamətdə əldə olunan nailiyyətlərlə bağlı hesabatlar dinlənilib. Tədbirdə Türkiyə və Azərbaycan arasında yaradılan və hazırda test mərhələsində olan onlayn pul köçürmələri sistemi bütün üzv dövlətlər tərəfindən böyük maraqla qarşılanıb, bu sistemin  bütün alternativ pul köçürmələri sistemləri ilə müqayisədə üstünlükləri xüsusi qeyd edilib. İƏT üzvü olan digər dövlətlərin də bu sistemə qoşulması təklif olunub və bu sahədə qarşıya çıxa biləcək suallarla bağlı fikirlər dinlənilib.

Bundan əlavə tədbir iştirakçıları Türkiyə poçtunun işi ilə yaxından tanış olub, eləcə də bu sahədə əldə olunan uğurlara və son texnoloji yeniliklərin tətbiq olunmasına praktiki olaraq baxıblar.


ŞƏRHLƏR


OXŞAR XƏBƏRLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə