Azərbaycanda Beynəlxalq əqli mülkiyyət günü qeyd olunacaq

25-04-2011 / 18:58

Aprel ayının 26-da Beynəlxalq əqli mülkiyyət günü qeyd olunur. Bu münasibətlə Müəllif Hüquqları Agentliyi, eləcə də Rabitə və İnformasiya Texnologiyaları Nazirliyi Bakıda “İT-İP: yeni biliklərin ötürülməsi və qorunması” mövzusunda beynəlxalq konfrans təşkil edəcəklər.

Tədbirdə əqli mülkiyyətin qorunması, mənimsənilməsi, eləcə də əqli mülkiyyətin qorunma üsulları haqqında maarifləndirmə səviyyəsinin artırılması və bu kimi digər məsələlərin müzakirə olunacağı gözlənilir.

Qeyd etmək lazımdır ki, Beynəlxalq əqli mülkiyyət gününün builki mövzusu “Gələcəyi planlaşdırarkən” adlanır. Sənaye nümunələri, dizayn, onların cəmiyyətdə və gələcəyin innovasiyalarında rolu kimi istiqamətlərə xüsusi diqqət yetirilir. Bu məsələ Bakı konfransında da müzakirə olunacaq.

Konfransda deputatlar, dövlət strukturlarının və qeyri-hökumət təşkilatlarının nümayəndələrinin iştirakı nəzərdə tutulur. Tədbir internet vasitəsilə yayımlanacaq.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.