Azərbaycanda kompüter piratçılığı ilə mübarizə hansı səviyyədədir?

25-04-2009 / 11:04

"Hazırda Azərbaycanda ən yüksək piratçılıq kompüter piratçılığı sayılır."- bu barədə Müəllif Hüquqları Agentliyinin (MHA) sədri Kamran İmanov bildirib. O kompüter proqramları sahəsində piratçılığın səviyyəsinin 90 faiz olduğunu söyləyib: ”Söhbət müxtəlif növ kompüter proqramlarından - “Driver” xüsusi əməliyyat proqramından, əməliyyat sisteminin proqram təminatından, tətbiqi proqramlardan və məlumat bazalarından gedir. Hazırda musiqi əsərləri bazarında olan SD və DVD-lərin isə 80 faizə yaxını pirat məhsullardır”.

K. İmanovun sözlərinə görə, buna baxmayaraq, Azərbaycanı ən pirat dövlətlər sırasına aid etmək olmaz: “Hər il ABŞ tərəfindən pirat dövlətlərin siyahısı elan olunur, Azərbaycanın adı o siyahıda yoxdur. MDB-dən isə həmin siyahıya 8 dövlətin adı salınıb”.

MHA sədri deyib ki, piratçılığın qarşısını almaq üçün hüquqi maarifləndirmə işi aparılmalı, əqli mülkiyyət mədəniyyəti formalaşdırılmalı və hüquq-mühafizə orqanları ilə birgə reydlər təşkil olunmalıdır: “Yaxın zamanlarda Agentliyimiz bu reydlərin keçirilməsinə başlayacaq”.

K. İmanov Azərbaycanda piratçılığa qarşı daha effektiv mübarizə aparmaq üçün MHA-nın Əqli Mülkiyyət Mərkəzinin yaradılması təklifi ilə çıxış etdiyini də vurğulayıb: “Çalışacağıq ki, bazarda tərkibində əqli mülkiyyət olan məhsullarının hamısının üstündə xüsusi holoqram olsun. Azərbaycanda İnternetdə Rəqəm Hüquqlarının İdarə Olunması Mərkəzi də yaradılacaq. Hazırda internetdə piratçılıq həddən artıq yayılıb. Bununla bağlı da Agentliyimiz təkliflərini təqdim edib”.APA


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.