E - HÖKUMƏT

Azərbaycanda  lisenziya və icazələrlə bağlı yeni portal yaradılıb.

Xeberler.az-ın məlumatına görə, bu gün 2018-də istifadəyə verilməsi nəzərdə tutulan lisenziya.gov.az portalının ilkin təqdimat mərasimi keçirilib.

Qeyd edək ki, portal İqtisadiyyat Nazirliyi və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi tərəfindən yaradılıb.

Belə ki, mərasimdə  zərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimov, iqtisadiyyat və sənaye nazirinin müavini Sahib Məmmədov , digər dövlət və özəl qurumların nümayəndələri, ekspertlər iştirak edib.

İnam Kərimov çıxış edərək portalın özəllikləri, təqdim etdikləri xidmətlər barədə ətraflı məlumat verib.

Onun sözlərinə görə, portal üzərindən lisenziya və icazələrlə bağlı müraciət və nəticənin elektron formada əldə edilməsi, iştirakçılar və istifadəçilər tərəfindən müraciətin emal prosesinin real vaxt rejimində izlənilməsi və qarşılıqlı məlumat mübadiləsinin aparılması mümkün olacaq.

Sahib Məmmədov də çıxış edərək sayt vasitəsi ilə lisenziya və icazələrlə bağlı vətəndaşların məlumatlandırılmasının həyata keçiriləcəyini qeyd edib.

Nazir müavini lisenziya və icazələrin verilməsində iştirak edən orqanlar arasında G2G elektron məlumat dövriyyəsinin sayt üzərindən olacağını da diqqətə çatırıb.

O bildirib ki, istifadəçilər məsələ ilə bağlı tələb edilən məlumat və sənədləri sayt üzərindən əldə edə biləcək.

Məltəm Talıbzadə