E - HÖKUMƏT

Məlumat verdiyimiz kimi, bu gün “ASAN Viza” portalının təqdimat mərasimi keçirilib.

Belə ki, bir neçə aydır üzərində işlənilən yeni portal istifadəyə verilib.

Xeberler.az-ın məlumatına görə, təqdimat mərasimində Prezident y­anında Vətəndaşlara X­idmət və Sosial İnnov­asiyalar üzrə Dövlət ­Agentliyinin sədri İnam Kərimov bildirib ki, hazırda sınaq mərhələsində  fəaliyyət göstərən “ASAN Viza” portalı yanvar ayının 10-dan etibarən tam istifadəyə veriləcək. 

Onun sözlərinə görə, “ASAN Viza" portalın yaradılması­nda məqsəd Azərbaycan­a gələn əcnəbil­ər və vətəndaşlığı ol­mayan şəxslər üçün vi­za verilməsi prosedur­unun sadələşdirilməsi­, müasir informasiya ­texnologiyalarının tətbiqi ilə operativlik­ və şəffaflığın təmin­ edilməsidir.

Belə ki, artıq əcnəbilər evlərindən çıxmadan, növbədə gözləmədə, sənədlər toplamadan onlayn müraciət edərək viza əldə edə biləcəklər. 

Məlumata görə, ölkədə qalma müddəti 30 günədək müəyyən edilən birdəfəlik elektron viza almaq üçün portala müraciət edən şəxs ödəniş etdikdən sonra vizası 3 iş günü müddətində elektron poçt ünvanına göndəriləcək.

Qeyd edilib ki, viza üçün dövlət rüsumu 20 dollar təşkil edir. Bu rüsum vizaya baxmaq üçün tələb olunur və heç bir halda geri qaytarılmır.

Elektron viza müraciətlərinin birnəfərlik, ailə (ən azı 2, ən çox 10 nəfər) və qrup şəklində (ən az 10 və ən çox 300 nəfər) edilməsi nəzərdə tutulur.

“ASAN Viza” portalı-evisa.gov.az-ın xidmətlərindən istifadə isə çox sadədir.

Öncə qeyd edək ki, sayt 3 dildə ( Azərbaycan, ingilis, rus) dillərində fəaliyyət göstərir.

Portal vasitəsi ilə Siz 3 addımda (müraciət et, ödəniş et və elektron viza blankını yüklə) e-Visa ala bilərsiniz.

Ödəmə əməliyyatları Mastercard, Visa ve UnionPay üzərindən aparılması mümkündür. Kartın sizin adınıza olması mütləq deyil.

Saytda qeyd edilib ki, Azərbaycan Respublikasına gəlmək üçün əcnəbilərə və vətəndaşlığı olmayan şəxslərə verilən e-viza blankının təsvirində Beynəlxalq Mülki Aviasiya Təşkilatının (İCAO) 9303 nömrəli sənədinin ikinci hissəsinin tələbləri nəzərə alınıb.  Elektron viza blankı A4 formatdadır.

e-Viza blankının yuxarı sağ hissəsində maşınla oxuna bilən xüsusi kod yerləşdirilib. Əcnəbi bir neçə e-Viza aldıqda giriş etdiyi e-Viza blankı ilə çıxış etməlidir.

Onu da bildirək ki, e-Viza blankı itirildikdə portal üzərindən əcnəbi yenidən əldə edə bilir.

Qeyd edək ki, e-Viza üçün qeydiyyatdan keçirilmiş ölkə səyahət sənədində göstərilmiş ölkədən fərqli olduğu halda e-viza etibarsız sayılır.

Məltəm Talıbzadə