Azərbaycanın 23 fevral 2010-cu ildən bəri fəaliyyət göstərən oyun və texnologiya jurnalı olan “Nano Dünya”nın növbəti aprel ayı üçün elektron sayı istifadəyə verilib. Uzun müddət Azərbaycanda fəaliyyət göstərdikdən sonra Türkiyə bazarında fəaliyyət göstərən jurnal, 2013 ilindən etibarən hər ay azərbaycanca elektron variantda ödənişsiz jurnalların paylanmasına başlayıb. Aprel ayı etibarilə 4-cü sayını istifadəyə verən “Nano Dünya” jurnalı ön üz şəklini və ana mövzusunu Bakı şəhərində keçən ilk missiyası ilə Battlefield 4 oyununa həsr etdi. Battlefield 4 oyunundakı ən son məlumatları və Bakı şəhərində keçən bütün missiyanı nöqtəsinə və vergülünə kimi oxucuları ilə paylaşdı. Bundan başqa Medal of Honor: Warfighter və Far Cry 3 kimi oyunlarını başdan sonra maraqlı məqamları və səhvləri ilə birgə tam olaraq 12 səhifəyə sığdırdı.
Gündəm xəbərləri, Kompüter təchizatları və aprel ayı oyun təqvimi ilə hazırlanmış jurnal tamamilə ödənişsiz olaraq paylanılır. Xatırladaq ki “Nano Dünya” jurnalının elektron sayları Azərbaycanca yazılır və ödənişsizdir. Yeni Nano Dünya Aprel 2013 sayını yükləmək üçün keçid edə bilərsiniz: http://goo.gl/7iRCU
Publika.Az
