Azərbaycanlılar “Microsoft Imagine Cup 2015” də ikinci yerə çıxdı

31-07-2015 / 11:26

Xəbər verdiyimiz kimi, iyul ayının 27-31-də Sietlda (ABŞ) “Microsoft Imagine Cup 2015” innovasiya müsabiqəsinin finalı keçirilib. Final mərhələdə Azərbaycanı “NoObs” komandası təmsil edib.

Xeberler.az-ın məlumatına görə, “Microsoft Imagine Cup 2015” beynəlxalq innovasiya müsabiqəsində azərbaycanlılardan ibarət komanda “İnnovasiya” kateqoriyası üzrə ikinci yerə çıxıb.

Konkurs 3 kateqoriya əsasında keçirilib: World Citizenship (sağlamlıq imkanları məhdud olan insanlar üçün qlobal vətəndaşlıq layihələri), Games (oyunlar), Innovation (İnnovasiyalar).

Müsabiqədə dünyanın bütün ölkələrindən 33 komanda iştirak edib.

Bakını təmsil edən NoObs komandası (Ülviyyə Rüstəmova, Fidan Rüstəmova, Arif Mövsümzadə və Nizami İsmayılov ) Spinal layihəsi ilə “İnnovasiya” kateqoriyası üzrə ikinci yerin qalibi olublar.

Məlumat üçün bildirək ki, Spinal qurğusu onurğa sütunun vəziyyətinə nəzarət edən ötürücü dəstindən ibarətdir. İnsan onurğa sütununa mənfi təsir göstərən vəziyyətdə oturduqda Bluetooth modulu vasitəsi ilə Windows Phone əməliyyat sistemi üzərində işləyən smartfona siqnallar daxil olur.

Müsabiqənin qalibləri tutduqları yerdən asılı olaraq 50 min, 10 min və 5 min dollar məbləğində pul makafatı alacaqlar. Bundan başqa, Microsoft qaliblərə ABŞ-da startap-aksellerator təqdim edəcək.

Qeyd edək ki, müsabiqə qaliblərinin mükafatlandırılması mərasimi Redmondda baş tutub.

Azərbaycan keçirilən beynəlxalq yarışmada ilk dəfə çıxış edib.

 

Ruhəngiz Muradova


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.