Azərbaycan startapı xarici mentorlarla işləyəcək

04-11-2016 / 07:22

Məlumat verdiyimiz kimi, Microsoft Imagine Cup dünyanın bir sıra ölkələrinin tələbələri arasında hər il keçirilən genişmiqyaslı innovasiya müsabiqəsidir. Bu müsabiqə ötən il Azərbaycanda ikinci dəfə təşkil olundu.

Ölkəmizdən bu müsabiqədə seçilən NoObs  ötən il iyul ayının 27-31-də Sietlda (ABŞ) Microsoft Imagine Cup innovasiya müsabiqəsinin finalında iştirak edib.  Microsoft Imagine Cup 2015 beynəlxalq innovasiya müsabiqəsində azərbaycanlılardan ibarət komanda “İnnovasiya” kateqoriyası üzrə ikinci yerə çıxıb və  10 min  məbləğində pul mükafatı alıb.

Qeyd edək ki, komandanın hazırladığı  Spinal qurğusu onurğa sütununun vəziyyətinə nəzarət edən ötürücü dəstindən ibarətdir. İnsan onurğa sütununa mənfi təsir göstərən vəziyyətdə oturduqda Bluetooth modulu vasitəsi ilə Windows Phone əməliyyat sistemi üzərində işləyən smartfona siqnallar daxil olur.

Bir müddət əvvəl məlumat vermişdik ki, Spinal qurğunun  istehsal olunması ilə bağlı artıq fəaliyyətlərə  başlanıb.

Spinal-dan Xeberler.az-a verilən məlumata görə, layihə komandası Hollandiyadaki HighTech XL akseleratoruna qəbul olunub.

Bildirilib ki, onlar 3 ərzində xarici texniki və biznes sahəsində bir çox məsləhətçi və mentorlar ilə işləyəcək.

 

Məltəm Talıbzadə


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.