ABŞ-da qalib olmuş layihəmiz məhsullarının istehsalına başlayır

07-12-2015 / 14:28

Məlumat verdiyimiz kimi, Microsoft Imagine Cup dünyanın bir sıra ölkələrinin tələbələri arasında hər il keçirilən genişmiqyaslı innovasiya müsabiqəsidir. Bu müsabiqə Azərbaycanda ikinci dəfə təşkil olunur.

Artıq Microsoft Imagine Cup innovasiya müsabiqəsinin növbəti milli seçim turuna başlanıb.

Müsabiqə çərçivəsində tələbələrdən ibarət komandalar İnnovasiya, Dünya vətəndaşlığı və Oyunlar kateqoriyaları üzrə iştirak edə bilər. Müsabiqədə iştirak üçün Microsoft platforması üzərində innovativ proqram layihəsi, Microsoft texnologiyaları əsasında müasir dövrün problemlərini həll edən tətbiqin prototipini və ya istənilən Microsoft Windows platformaları üzərində orijinal oyun hazırlamaq lazımdır.

Ölkəmizdən bu müsabiqədə seçilən NoObs  iyul ayının 27-31-də Sietlda (ABŞ) Microsoft Imagine Cup 2015 innovasiya müsabiqəsinin finalında iştirak edib.  Microsoft Imagine Cup 2015 beynəlxalq innovasiya müsabiqəsində azərbaycanlılardan ibarət komanda “İnnovasiya” kateqoriyası üzrə ikinci yerə çıxıb və  10 min  məbləğində pul mükafatı alıb.

Komandanın hazırladığı  Spinal qurğusu onurğa sütununun vəziyyətinə nəzarət edən ötürücü dəstindən ibarətdir. İnsan onurğa sütununa mənfi təsir göstərən vəziyyətdə oturduqda Bluetooth modulu vasitəsi ilə Windows Phone əməliyyat sistemi üzərində işləyən smartfona siqnallar daxil olur.

Xeberler.az-ın məlumatına görə, Spinal qurğunun  istehsal olunması ilə bağlı artıq fəaliyyətlərə  başlanıb.

Microsoft Azərbaycan-dan Xeberler.az-a verilən məlumata görə, hazırda finalda iştirak edən Microsoft Ventures şirkəti ilə danışıqlara  başlanıb və sənədləşdirmə  işlə ilə bağlı fəaliyyət  davam edir.

Məlumata görə, ilkin dövrdə  100 ədəd Spinal qurğusu hazırlanacaq.

Məhsulların  istehsalı Azərbaycan və Avstriyada həyata  keçirilə bilər.   

 

Məltəm Talıbzadə 

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.