“AzerSat”-ın yaradılması ilə bağlı tenderdə Amerika şirkəti qalib gəlib

19-08-2009 / 10:34

Amerikanın Orbital Sciences Corporation şirkəti 2009-cu ilin sentyabrında Azərbaycanın ilk kosmik rabitə peyki “AzerSat”-ın yaradılmasına başlayacaq. Bu barədə mətbuata  rabitə və informasiya texnologiyaları naziri Əli Abbasov məlumat verib.

“Bu günlərdə tender komissiyası AzerSat peykinin yaradılması ilə məşğul olacaq şirkətin seçimi üzrə tenderin nəticələrini açıqlayıb. Tenderdə Amerikanın Orbital Sciences Corporation şirkəti qalib olub. Peykin yaradılması üzrə işlərə sentyabrdan başlanacaq, orbirdəki mövqeyə isə o, 2011-ci ilin dekabrında çıxarılacaq” - deyə nazir qeyd edib.

Ə.Abbasov onu da bildirib ki, layihənin ümumi dəyəri 163 mln. manat həcmində qiymətləndirilir. Onun sözlərinə görə, xərclər 5-7 il ərzində çıxarılmalıdır, peykin istismarının sonrakı 15 ili ərzində isə o, xalis mənfəət gətirəcək.

Xatırladaq ki, Azərbaycan 2007-ci il martın 20-də “AzerSat” milli rabitə peykinin buraxılması haqqında ilk təkliflərini Beynəlxalq Telekommunikasiya İttifaqına təqdim edib.


ŞƏRHLƏR


OXŞAR XƏBƏRLƏR







sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə