“AzInTelecom” təcrübə proqramını uğurla bitirmiş tələbələrə sertifikatlar təqdim edib

28-09-2021 / 17:21

Nəqliyyat, Rabitə və Yüksək Texnologiyalar Nazirliyi nəzdində fəaliyyət göstərən “AzInTelecom” MMC 3 aylıq təcrübə proqramını uğurla başa vurmuş tələbələrə sertifikatlar təqdim edib.

Xeberler.az bildirir ki, tədbirdə “AzInTelecom” MMC-nin direktor vəzifəsini müvəqqəti icra edən Tağı Tağı-Zadə sertifikat alan tələbələri təbrik edərək onlara gələcək karyeralarında uğurlar arzulayıb.

Yay təcrübə proqramı və istehsalat təcrübəsi olaraq iki istiqamətdə aparılan proqram zamanı tələbələr kommersiya, texnologiya, maliyyə və keyfiyyətə nəzarət və əməyin təhlükəsizliyi üzrə iş prosesi ilə yaxından tanış olub, verilən tapşırıqların öhdəsindən uğurla gəliblər. Eyni zamanda, peşəkarlarla birgə təcrübə keçərək texniki və fərdi bacarıqlarını inkişaf etdiriblər.

“AzInTelecom” İT, biznes, maliyyə və digər sahələrdə savadlı və təcrübəli kadr bazasının hazırlanmasına xüsusi diqqətlə yanaşır və bu cür proqramların davamlı keçirilməsini planlaşdırır.

Qeyd edək ki, “AzInTelecom” MMC Cənubi Qafqaz regionunda “TIER III”, “ISO 20000”, “ISO 22301” və “ISO 27001” uyğunluq sertifikatlarına malik ilk əlçatanlıq zonası olan texnologiya və telekommunikasiya şirkətidir.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.