“Bakcell” şirkəti yeni ildən MMS xidmətini istifadəyə verəcək

01-12-2009 / 12:03

Azərbaycanın ilk mobil rabitə operatoru “Bakcell” şirkəti abunəçilərinə yeni ildən yeni xidmət təqdim edəcək.

«APA-ECONOMICS»in qeyri-rəsmi mənbədən aldığı məlumata görə, şirkət 2010-cu ilin yanvar ayında abunəçilərinə MMS xidmətini təqdim edəcək.

Fevral ayında “Bakcell” ilə “Nokia Siemens Networks” şirkəti arasında imzalanan müqaviləyə əsasən, “Nokia Siemens Networks” şirkəti xidmətlərin keyfiyyətinin yaxşılaşdırılması və əhatə dairəsinin genişləndirilməsi məqsədilə GSM şəbəkəsinin genişləndirilməsi və modernləşdirilməsini həyata keçirir.

Qeyd edək ki, bu il ərzində şirkət 2G şəbəkəsini nəzərə çarpacaq dərəcədə genişləndirib. “Nokia-Siemens” şirkətinin müştəri həlləri üzrə meneceri Maksim Tretyakovun “APA-ECONOMICS”ə verdiyi məlumata görə, hazırda “Bakcell”in 2G əhatə dairəsi heç də digər şirkətlərin şəbəkəsindən geri qalmır: “Hətta demək olar ki, artıq onları geridə qoyub”.

Xatırladaq ki, “Bakcell” şirkəti İsrailin “GTİB” və Azərbaycan Rabitə Nazirliyinin iştirakı ilə 1994-cü ildə birgə müəssisə kimi yaradılıb. 2003-cü ildə özəlləşdirilərək 2004-cü ildən etibarən Azərbaycan mobil rabitə bazarında özəl GSM və WiMAX operatoru kimi fəaliyyət göstərir.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.