Bakıda “Nəqliyyatın planlaşdırılması və nəqliyyat axınlarının modelləşdirilməsi” mövzusunda beynəlxalq konfrans keçirilib.
Azərbaycan Yerüstü Nəqliyyat Agentliyindən (AYNA) bildirilib ki, tədbir AYNA, Azərbaycan Texniki Universiteti və Özbəkistanın “Transproyekt” məsləhətçi şirkətinin təşkilatçılığı ilə baş tutub.
Konfransda mobillik proqramı və Bakı aqlomerasiyasının nəqliyyat modeli, Azərbaycanda mobillik planlarının hazırlanması təcrübəsi, müxtəlif ölkələrdə ictimai nəqliyyat üçün marşrut şəbəkələrinin planlaşdırılması və nəqliyyat sahəsində “rəqəmsal əkiz”lərin yaradılması mövzuları üzrə məruzələr təqdim olunub.
Azərbaycanla yanaşı, Rusiya, Belarus, Gürcüstan, Qazaxıstan, Qırğızıstan və Özbəkistanın nəqliyyat sahəsində fəaliyyət göstərən nazirlik və qurumların nümayəndələri, beynəlxalq məsləhətçi təşkilatların mütəxəssisləri ictimai nəqliyyatın və nəqliyyat modellərinin inkişafı, planlaşdırılması, nəqliyyat sistemlərinin real vaxt rejimində idarə olunması, yol hərəkətinin tənzimlənməsinin optimallaşdırılması mövzularında çıxışlar ediblər.
İkigünlük tədbirdə nəqliyyat sahəsində ictimai və qeyri-kommersiya təşkilatlarının təmsilçiləri, ali təhsil müəssisələrinin müəllim və tələbə heyətləri iştirak ediblər(Azertag)
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri