Bakıda Regional Kinoloji Təlim Mərkəzi yaradıla bilər

02-05-2015 / 12:29

Avropa Regionu Gömrük Xidməti Rəhbərlərinin konfransı keçirilib.

Dövlət Gömrük Komitəsindən Xəbərlər-ə verilən məlumata görə, konfransa Avropa regionundan olan 45 üzv ölkənin gömrük xidməti rəhbərləri və yüksək vəzifəli əməkdaşları, o cümlədən ÜGT-nin regional qurumlarının nümayəndələri qatılıb.

Tədbiri Polşa Respublikasının maliyyə naziri Mateusz Szc­zurek açaraq iştirakçıları salamlamış və gömrüyün gəlirlərin toplanması kimi ənənəvi rolu ilə yanaşı, ticarətin asanlaşdırılması, cəmiyyətin qorunması və iqtisadi inkişafa dəstək kimi mühüm və hərtərəfli funksiyalarını öz çıxışında vurğulayıb.   

Konfransın açılış mərasimində çıxış edən ÜGT-nin Avropa Regionu üzrə sədr müavini Heinz Zou­rek ötən müddət ərzində həyata keçirilən tədbirlər və fəaliyyət haqqında geniş məlumat verib. O, öz çıxışında Ümumdünya Gömrük Təşkilatının region­lar üzrə apardığı siyasətə uyğun olaraq potensialın gücləndirilməsi istiqamətində görülmüş işləri, təşkil olunmuş tədbirləri və onların müsbət nəticələrini xüsusi olaraq qeyd edib.

Tədbirin gündəliyi təsdiq edildikdən sonra, ÜGT-nin Baş katibi Kunio Mikuriya konfransın açılışında çıxış edərək iclasın yüksək səviyyədə təşkilinə görə Polşa Respublikası Hökumətinə və Ümumdünya Gömrük Təşkilatının Avropa regionu üzrə sədr müa­vininə öz minnətdarlığını bildirib. O, öz çıxı­şın­da ÜGT-nin Strateji Planına əsaslanan mövcud prio­ritetləri, ÜGT tərəfindən ticarətin asanlaşdırılması, potensialın gücləndirilməsi, malların buraxılış vaxtı­nın ölçülməsi, regional və milli seminarların keçi­ril­məsi istiqamətində görülmüş işlər və ÜGT-nin Mer­ca­tor proqramı barədə ətraflı məlumat verib. 

Konfransda Ümumdünya Gömrük Təşkilatının Potensialın Gücləndirilməsi üzrə Avropa Regional Ofisinin rəhbərinin səlahiyyətlərinin müvəqqəti icra­çısı Aydın İmaşov ofisin 2014-2015-ci illər üzrə fəa­liyyəti, 2015-2016-cı illər üzrə strategiyası, büdcə və gələcək maliyyə məsələləri ilə bağlı hesabatla çıxış edib.

Konfransda Avropa Regional Mə­lumat Əlaqələndirmə Ofislərinin hesabatı dinlənil­ib və Avropada narkotik vasitələrin və psixotrop maddələrin qanunsuz dövriyyəsinə qarşı mübarizə metodları barədə məlumat verilib

Qeyd edək ki, tədbirdə Azərbaycan Respublikası Dövlət Gömrük Komitəsinin Kinoloji Mərkəzinin qabaqcıl infrastruktura və kadr potensialına malik olduğu, eləcə də istər milli, istərsə də regional və beynəlxalq müstəvidə uğurlu fəaliyyəti nəzərə alı­naraq, Bakı şəhərində ÜGT-nin Regional Kinoloji Təlim Mərkəzinin təsis edilməsi məsələsilə bağlı Komitə sədrinin müavini Ə.Abdullayevin “Regional hədəflərə doğru” mövzusunda təqdimatı dinlənilib və bu təqdimat iştirakçılar tərəfindən maraqla qarşılanıb. 

ÜGT-nin Baş katibi Kunio Mikuriya, həmçinin Rusiya Federasiyası, Belarus, Qazaxıstan, Moldova, Avstriya, Qırğızıstan, Türkiyə, Çexiya və Gürcüstan nümayəndə heyəti rəhbərləri Bakıda ÜGT-nin Re­gio­nal Kinoloji Təlim Mərkəzinin yaradılması fikrini dəstəkləyərək Azərbaycan gömrük xidmətinin uğur­larını və regional proqramlarda xüsusi aktivliyini diqqətə çatdırıblar. 

 

Mirvari Nəcəf


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.