AZNET

 Təhsil Portalında (www.edu.az) yerləşən Elektron Dərs­lər İda­rəet­mə Proq­ra­mı AeL­-ə lo­qo-­lin­ki­nə da­xil olan va­li­deyn şa­gir­din qiy­mət­lə­ri və da­va­miy­yə­ti haqqında məlumatları öyrənə bilər. 2008-2012-ci illərdə Azərbaycan Respublikasında Təhsil sisteminin informasiyalaşdırılması üzrə Dövlət Proqramı çərçivəsində yaradılan Təhsil Portalında bu məlumatlar valideynin elektron nəzarət səhifəsində yerləşdirilir. Elektron nəzarət səhifəsində şagiridin Məktəbli kitabşası və Davamiyyət jurnalı yerləşdirilmişdir. Burada valideynlər şagirdin qiymətləri, davamiyyəti haqqında məlumat əldə edə bilər. Bundan əlavə, proqram vasitəsilə məktəbin müdiriyyəti, müəllimləri və digər valideynlər ilə interaktiv ünsiyyət saxlamaq, məktəbin fəaliyyəti ilə bağlı elanlar (valideyn iclasları, yığıncaqlar, iməciliklər) ilə tanış olmaq imkanı da vardır.

Tədrisin idarəolunmasının avtomatlaşdırılması qiy­mət­lərin on­layn ola­raq av­to­ma­tik mək­təb ida­rəetmə proq­ra­mın­dan da­xil edi­lməsinə imkan verir. Bu isə şa­gir­də qiy­mət qo­yul­du­ğu anda va­li­deynin bu məlumatı in­ter­net vasitəsilə görmə bilər. Proqram təminatı hər bir valideynə yalnız onun övladının qiymətlərinə elekt­ron jur­nalda baxmaq imkanı yaradır.

Valideynlər üçün nəzarət səhifəsinin olması mütamadi olaraq gündəliklərin yoxlama prosedurasını da aradan qaldırır. Həmçinin, elektron nəzarət səhifəsi informasiya nöqteyi-nəzərindən valideyn iclasında iştirak ilə müqayisə etmək olar. Valideyn iclaslarında iştirak edə bilməyənlər bütün məlumatları nəzarət səhifəsindən əldə edə biləcəklər.

Valideyn nəzarət səhifəsinin üstünlükləri:

• valideynin şagirdin tərbiyəsi və təhsilində fəal iştirakı;
• şagirdin qiymətləri və davamiyyəti haqqında gerçək məlumat;
• istənilən zaman məktəbin müdiriyyəti, müəllimləri və digər valideynlər ilə interaktiv ünsiyyət;
• şagirdin qaiblərinə, qeyri-qənaətbaxş davranışına birbaşa reaksiya;
• zamana qənaət, məktəb ziyarətlərinin sayının azalması.

Elektron nəzarət səhifəsi valideynlərə uşaqlarının tərbiyyəsi və təhsilində fəal iştirakını, məktəb müdiriyyəti, müəllimləri, sinif rəhbəri, digər valideynlər ilə yüksək səviyyədə interaktiv ünsiyyət və fikir mübadiləsini təmin edən  servisdir.

Hələlik bu imkanlardan “Elektron məktəb” layihəsinə qoşulan pilot məktəblərində oxuyan şagirdlərin valideynləri yararlana bilər. Yaxın zamanlarda bu cür məktəblərin sayının artması nəzərdə tutulur.   

                                                                                                     Xeberler.az/Ellada