Baxışla idarə olunan ilk virtual mağaza

19-05-2016 / 16:59

ABŞ-ın eBay şirkəti mayın 18-də ilk virtual reallıq mağazasını istifadəyə verib. Layihə Avstraliyanın Myer pərakəndə satış şirkəti ilə birgə yaradılıb.
 
Xeberler.az RYTN-in elektron xəbər xidmətinə istinadən məlumat verir ki, virtual mağazaya virtual eynəklər vasitəsilə daxil olmağa imkan verən eBay Virtual Reality Department Store əlavəsi AndroidiOS əməliyyat sistemlərinin idarəetməsi ilə işləyən qurğular üçün nəzərdə tutulub.

Xüsusi qurğuları olmayan alıcılar üçün MyereBay 20 min pulsuz Google Cardboard virtual reallıq eynəyi təqdim edir.

Bildirilir ki, həmçinin virtual alış-veriş üçün istifadəçiyə hərəkətlərini baxışla idarə etməyə imkan verən xüsusi eBay Sight Search texnologiyası hazırlanıb. Müəyyən əşyanı seçmək üçün ona bir neçə saniyə diqqətlə baxmaq tələb olunur.

Mütəxəssislərin sözlərinə görə, gələcəkdə alqoritm alıcılara onların əvvəlki alış-verişlərinə əsaslanaraq məhsullar təklif edəcək.

Hazırda 3D formatında yalnız 100 ən populyar mala baxmaq mümkündür. Daha 12,5 min əşya ilə 2D standartında tanış olmaq olar.  

Qeyd edək ki, eBay internet mağazası 1995-ci ildə proqramçı Pyer Omidyar tərəfindən yaradılıb. Mağazada qeydiyyatdan keçmiş istənilən istifadəçi alış-veriş edə bilər.

eBay-da brend şirkətlər də öz mallarını sata bilərlər. Onlar tərəfindən satışa çıxarılan malları adi istifadəçi lotları arasında tapmaq mümkündür.

Əvvəllər eBay-da nəhəng marka və şirkətlər tərəfindən malların birbaşa satılması üçün nəzərdə tutulan ayrıca brands.ebay.com bölməsi fəaliyyət göstərib. Bölmə indiyədək aktiv olsa da, orada yerləşdirilən kateqoriyaların əksəriyyəti boşdur.

eBay, həmçinin PayPal və Ebay Enterprise şirkətlərinin sahibidir.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.