Xeberler.az “AzərTac”a istinadən xəbər verir ki, Azərbaycan Marketinq Cəmiyyəti (AMC) Dünya Bankı tərəfindən maliyyələşdirilən və Kənd Təsərrüfatı Nazirliyi yanında Kənd Təsərrüfatı Kreditləri üzrə Dövlət Agentliyi tərəfindən dəstəklənən “Kənd təsərrüfatının kreditləşməsi və inkişafı üzrə ikinci layihə” çərçivəsində bazar informasiya və kommersiya mərkəzinin (BİKM) yaradılmasına dair tenderdə qalib gəlib.
BİKM-in əsas funksiyası SMS xidməti vasitəsilə kənd təsərrüfatı məhsullarının, habelə kənd təsərrüfatı texnikası və avadanlıqları, gübrələr və digər məmulatların qiymətləri, onların dinamikası barədə fermerlərə operativ məlumatın çatdırılmasını təmin etməkdir.
Üç il müddətinə nəzərdə tutulan BİKM-in həyata keçirilməsi nəticəsində fermerlər respublikanın müxtəlif bölgələrində məhsulların qiymətləri, kənd təsərrüfatı texnikasının və avdanlıqlarının, həmçinin gübrələrin ən münasib qiymətlərlə təklif olunduğu ünvanlar barədə məlumat əldə edə biləcəklər. Əldə olunan informasiya fermerlərə kəmiyyət və keyfiyyətcə daha yüksək məhsul yetişdirməyə və bunun müqabilində daha yüksək gəlir götürməsinə əlverişli şərait yaradacaq.
Layihə aqrar sektorda qabaqcıl informasiya-kommunikasiya texnologiyalarından istifadənin təkmilləşdirilməsi istiqamətində dönüş yaradacaq və ölkədə kənd təsərrüfatının inkişafına əhəmiyyətli töhfə verəcək.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları