Beynəlxalq bankın bankomat problemləri

09-08-2009 / 21:02

 

Bildiyiniz kimi bir çox müəssisələr əmək haqlarını xüsusi kartlar vasitəsilə ödəyirlər.

Xeberler.az bildirir ki, belə bir ödəniş vasitəsi həm müəssisə, həm də əməkdaşlar üçün çox yaxşı haldır. Bu pensiya alanlar üçün daha münasibdir. Yəni müasir texnologiyanın bu sahədə tətbiqi bir çox problemləri həll etmiş olur.

 

Qeyd edək ki, əksər dövlət müəssisələrinin əməkdaşları, eləcə də pensiyaçılar pullarını almaq üçün Beynəlxalq bankın xidmətindən istifadə edirlər. Bəs, görəsən, Beynəlxalq bank bu təlabatın öhdəsindən gələ bilirmi? Demək olar ki, vəziyyət o qədər də ürək açan deyil. Belə ki, çox vaxt bankomatlar qarşısında olan növbələrdən aydın görmək olar ki, Beynəlxalq bank bu sahədə işini lazımı səviyyədə qura bilməmişdir. Əvala bankomatların sayı azdır. Əksəriyyəti münasib yerdə yerləşdirilməyib. Çox vaxt onları tapmaq müşkül olur.

 

Bankomatların çoxu bir başa gün düşən istiqamətə quraşdırılıb. Bu da monitorda yazılanların görünməsinə əngəl törədir. Artıq bankomatların çoxusu sıradan çıxmağa başlayıb. Bu cür nasasızlığa bank işçiləri biganə yanaşırlar. Bəzən kartlar bankomatlar tərəfindən oxunmur və ya kartlar bankomatda ilişib qalır. Belə hallarda Beynəlxalq bankın əməkdaşları həmin kartları dəyişdirmir və ya bu problemləri həll etmirlər.

 

Çox vaxt bankomatlarda pul olmur və ya əskinazların hamısı yerləşdirilmir. Məsələn Beynalxalq bankın Nəsimi filialının yerləşdiyi binanın qarşısında, eləcə də ona yaxın yerlərdə yerləşdirilən bankomatda artıq bir həftə olar ki, pul qoyulmur. Həmin filialda işləyən əməkdaşlar isə bankomatın nasaz olmasını bəhanə gətirirlər. Sual olunur ki, görəsən həmin bankomatın təmirini kim yerinə yetirməlidir.

 

Belə problemlərə şəhərin çox yerində də rast gəlmək olar. Yəni bu problemləri çox sadalamaq olar. Belə görünür ki, beynəlxalq bankın “bankomat dərdi” böyükdür. Ancaq bu dərdi beynəlxalqın rəhbərliyi yox, xalq çəkir. Bəlkə də ona görə öz adlarına xalq sözünü əlavə ediblər.

 

Xeberler.az

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.