Azərbaycan Beynəlxalq Bankı aviabiletlərin onlayn ödənişi üzrə xidmət göstərməyə başlayıb

07-09-2009 / 17:49

Azərbaycan Beynəlxalq Bankı (ABB) kompüter, bankomat, informasiya köşkü və mobil telefonun köməyi ilə alınan aviabiletlərin ödənişi üzrə xidmətlərə başlayıb.

Bankın baş ofisindən APA-ya verilən məlumata görə, ABB ilə «SilkWay Travel» şirkəti arasında qurulmuş əməkdaşlıq əlaqələri hesabına müştərilər turizm şirkətinə zəng vuraraq aviabilet sifariş edə, sonra isə ABB vasitəsilə həmin biletin dəyərinin ödənişini apara bilər.

Qeyd edək ki, əvvəllər bankın müştəriləri yalnız «Azercell» mobil operatorun və elektrik təchizatçısı olan «Bakıelektrikşəbəkə»nin xidmətlərini ödəyirdilərsə, indi bu siyahıya «Elcell» və «Azeronline» provayderləri, «Aztelekom» şirkəti və «SilkWay Travel» turizm agentliyi də əlavə olunub. Bundan başqa, yaxın vaxtlarda ABB-nin müştəriləri mobil bankçılıq vasitəsilə «KartTransfer» xidmətindən də yararlana biləcəklər.

Xatırladaq ki, Azərbaycan və regionun ən iri bank kredit təşkilatı olan ABB 1992-ci ildən fəaliyyət göstərir. Bankın nizamnamə kapitalında dövlətin iştirak payı 50,2% təşkil edir. Səhmlərin qalan 40%-i xüsusi mülkiyyətdədir, 10%-i isə bankın əmək kollektivinə məxsusdur. Hazırda bankın respublika üzrə 37 filialı fəaliyyət göstərir.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.