Böyük Britaniya kosmik şirkət “Orbex”ə 20 milyon funt sterlinq (24,84 milyon dollar) sərmayə yatırdığını elan edib.
Xeberler.az məlumat verir ki, bu vəsait peykləri orbitə yerləşdirmək üçün istifadə olunacaq “Prime” adlı orbital raketin inşasına və onun bu ilin sonunda Şotlandiyanın şimalında yerləşən Saxavord kosmodromundan buraxılmasına yönəldiləcək.
Bu, ilk dəfə tamamilə Britaniya istehsalı olan və ölkə ərazisindən buraxılan orbital raket olacaq. Britaniya uzun müddətdir öz kosmik sektorunda buraxılış imkanlarını yaratmağa çalışır. Hazırda ölkədə bu sahədə təxminən 52 min nəfər çalışır. Həmçinin Britaniya ABŞ-dan sonra dünyada ən çox peyk istehsal edən ölkədir.
Britaniyanın texnologiya naziri Piter Kayl bildirib ki, atılacaq addım ölkənin bu sahədə aparıcı mərkəzə çevrilməsinə təkan verəcək. Hökumətin hesablamalarına görə, Avropada peyklərə olan tələbatın cəmi 2 faizini əldə etmək Britaniya iqtisadiyyatına 2033-cü ilə qədər təxminən 1 milyard dollar gəlir gətirə bilər. Hazırda Avropada peyk bazarının ümumi dəyərinin 50 milyard dollara çatacağı proqnozlaşdırılır. (Azərtac)
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları