Sosial şəbəkələr elektron poçtdan güclü çıxdı
10-03-2009
14:51
Sosial şəbəkələr və bloq sistemləri internet istifadəçiləri arasında elektron poçta nisbətən daha çox populyarlaşmaqdadır.
Bu barədə BBC News- Nielsen kompaniyasına istinadən xəbər verir. Araşdırmaçıların gəldikləri nəticəyə görə internet istifadəçilərinin 66.8 faizi sosial şəbəkə və bloqlardan istifadə edir. Elektron poçt istifadəçilərinin payı isə 65.1 faiz təşkil edir. Ən geniş yayılan onlayn servis kimi axtarış sistemləri göstərilib. Axtarış sistemlərindən internet istifadəçilərinin 85.9 faizi istifadə edir.
Qeyd olunur ki, sosial şəbəkələr daha çox yuxarı yaşlı istifadəçiləri cəlb edir. Belə ki, Facebook istifadəçilərinin dörddə biri yaşı 50-dən yuxarı olan şəxslərdir. Ən məşhur sosial şəbəkə Facebook`dur. Ay ərzində on internet istifadəçisindən üçü bu şəbəkəyə daxil olur. Böyük Britaniyada istifadəçilərin demək olar ki 50 faizi bu şəbəkənin üzvüdür.
Nielsen həmçinin mobil internetdən istifadə edənlərin sayının da günü-gündən çoxaldığını bildirir. Məsələn, Britaniyada il ərzində mobil internet istifadəçilərinin sayı 249 faiz artıb. ABŞ-da isə bu göstərici 156 faiz təşkil edir.
