Bütün abunəçilər üçün Aztelphone xidməti istifadəyə verildi

28-08-2015 / 21:53

Rabitə və Yüksək Texnologiyalar Nazirliyi Aztelekom MMC yeni Aztelphone xidmətini istifadəyə verib. MMC Bakı şəhəri və regionlar üzrə abunəçilərin stasionar telefon nömrələrinin xaricə daşınması xidmətini tətbiq edib.

Rabitə və Yüksək Texnologiyalar Nazirliyindən Xeberler.az-a verilən məlumata görə, bu barədə Aztelekom MMC-nin marketinq və satış departamentinin rəhbəri Razi Tağıyev məlumat verib.

Departament rəhbəri deyib ki, xidmətə qoşulmaq istəyən abunəçilər telekommunikasiya qovşaqlarına müraciət edə bilərlər. Bunun üçün abunəçiyə login və parol verilir. Daha sonra isə abunəçi ona məxsus stasionar telefon nömrəsini bu xidmət üçün ayrılmış nömrəyə (0124660000) yönəltməlidir. Bu əməliyyatdan sonra abunəçinin ev nömrəsi onun mobil qurğusuna (smartfon və planşet) yazılan Aztelphone proqramı vasitəsilə daşınır.

Abunəçi respublikanın istənilən bölgəsində olduqda ona edilən zənglər və onun istənilən nömrəyə, o cümlədən mobil telefona etdiyi zənglər müvafiq tariflərə uyğun hesablanır. Bu xidmət çərçivəsində Bakı telefon abunəçiləri paytaxtın ev telefon abunəçiləri ilə istənilən qədər pulsuz danışa bilərlər. Eyni zamanda, Bakı telefon qovşaqlarının abunəçilərinin də ona etdiyi zənglər pulsuz olacaq. Həmin abunəçi rayon telefon abunəçisinə zəng etdikdə isə dəqiqəsi 5 qəpikdən ödəniş edəcək. Əgər telefonu mobil telefona yönləndirən abunəçi xaricdədirsə, onun rayonundan olan abunəçinin etdiyi zənglər də pulsuz olacaq.

Xidmətin aylıq abunə haqqı 20 manatdır.

R.Tağıyev hesab edir ki, xidmətin əsas istifadəçiləri şirkətlər və dövlət müəssisələri ola bilər: "Bu xidmətdən dövlət və özəl qurumların nümayəndələri də istifadə edə bilərlər. Xidmət bütün respublika abunəçiləri üçündür. Dünyada analoqu olmayan xidmət Aztelekom-un uzun müddət apardığı araşdırmalar nəticəsində ərsəyə gəlib".

 

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.