Ev telefonları dünyanın hər yerinə daşınacaq-Yenilik

11-09-2015 / 11:03

Aztelekom MMC-də yeni Aztelphone xidmətinin təqdimatı keçirilib.

MMC-dən Xeberler.az-a verilən məlumata görə, təqdimatı giriş sözü ilə açan Aztelekom MMC-nin Baş direktoru Məhəmməd Məmmədov bildirib ki, Aztelekom MMC stasionar rabitə tarixində bir ilkə imza atıb.  Belə ki, yeni yaradılan və analoqu olmayan Aztelphone  xidməti vasitəsilə Bakı şəhəri və regionlar üzrə abunəçilər stasionar telefon nömrələrini xaricə daşıya biləcəklər.

İKTŞ-nin müdiri Ədalət Abbasova isə bildirib ki, Azərbaycan vətəndaşları xaricə gedərkən, rabitədən istifadə etmək üçün məcburdurlar ki, rouminq xidmətinə keçsinlər:

“ Bu da abunəçilərə əlavə xərclər bahasına başa gəlir. Bu xidmətin yaradılmasında da əsas məqsəd xaricdə olarkən abunəçilərin az pulla çox danışmasını təmin etməkdir”.

Şöbə müdiri bildirib ki, Aztelphone xidmətinin özəlliyi ondadır ki, istifadəçi xüsusi proqramla ev və ya xidməti telefon nömrəsini istənilən internet işlədicisinə (smartfon mobil telefonuna, kompüterə, planşetə və s.) yükləməklə,  daşınan telefon nömrəsində "zənglərin şərtsiz yönləndirməsi" servisini aktivləşdirib istər respublika daxilində, istərsə də xarici ölkədə  internet şəbəkəsi olan hər hansı ərazidə daxil olan zəngləri qəbul etmək və yaxud bu nömrədən istənilən istiqamətlərə zəng etmək imkanına malik olur. Bu zaman lokal şəbəkədəki mənzil və ya xidməti telefonlarında olduğu kimi, daşınan nömrədə də  istifadə qaydaları və danışıq tarifləri dəyişməz qalır.
 
Mobil operatorların "Rouminq" xidmətindən fərqli olaraq "Aztelphone" xidmətindən xarici ölkələrdə istifadə zamanı hər hansı "Rouminq" və yaxud da bu xarakterli müqavilələrə ehtiyac yoxdur, yəni xidmət ödənişsizdir. Sadəcə, daşınan (məsələn, 346 xxxx nömrəsi) sabit şəbəkə nömrəsinin yerləşdiyi məkanda  internet şəbəkəsinin olması kifayət edir ki, xidmət aktivləşsin. Təbii ki, mehmanxana və s. yerlərdə də internet xidməti pulsuz olduğundan  əlavə internet haqqının da ödənilməsinə ehtiyac qalmır.

Xidmətə qoşulmaq istəyən abunəçilər telekommunikasiya qovşaqlarına müraciət edə bilərlər. Bunun üçün abunəçiyə login və parol verilir. Daha sonra isə abunəçi ona məxsus stasionar telefon nömrəsini bu xidmət üçün ayrılmış nömrəyə yönəltməlidir. Bu əməliyyatdan sonra abunəçinin ev nömrəsi onun mobil qurğusuna (smartfon, planşet və ya kompüter) yazılan Aztelphone proqramı vasitəsilə daşınır".

Şöbə müdiri onu da əlavə edib ki, abunəçi ölkə xaricində və  respublikanın istənilən bölgəsində olduqda da ona edilən zənglər və onun istənilən nömrəyə, o cümlədən mobil telefona etdiyi zənglər  indiyədək tətbiq edilən mövcud  tariflərə uyğun hesablanır. Bu xidmət çərçivəsində Bakı telefon abunəçiləri paytaxtın ev telefon abunəçiləri ilə istənilən qədər pulsuz danışa bilərlər. Eyni zamanda, Bakı telefon qovşaqlarının abunəçilərinin də ona etdiyi zənglər pulsuz olacaq. Həmin abunəçi rayon telefon abunəçisinə zəng etdikdə isə bir dəqiqəsi 5 qəpikdən ödəniş edəcək. Əgər telefonu Aztelphone xidmətinə yönləndirən abunəçi xaricdədirsə, onun rayonundan olan abunəçinin etdiyi zənglər də pulsuz olacaq.

Xatırladaq ki, bu xidmətə bütün  sabit telefon şəbəkə abunəçiləri qoşula biləcək və xidmətdən bütün növ smartfon istifadəçiləri də yararlanacaqlar.

Xidmətin aylıq abunə haqqı isə 20 manatdır.

Daha ətraflı məlumat almaq 344 00 00 (daxili 305 və ya 280)-ə üçün zəng edə bilərsiniz.

 Məltəm Talıbzadə

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.