Cari ilin sonuna kimi Azərbaycanda 3G texnologiyasından istifadə olunacaq

11-06-2009 / 20:31

Azərbaycanda 3G texnologiyasının lisenziyalaşdırılması işi nəzərdən keçirilir.Bununla bağlı ölkədə olan 3 mobil operator, artıq Rabitə və informasiya texnologiyaları nazirliyinə müraciət ünvanlayıblar.

DATA Mərkəzinin açılışında Rabitə və informasiya texnologiyaları naziri Əli Abbasov bu haqda jurnalistlərin suallarını cavablandırarkən qeyd edib ki, cari ilin sonuna yaxın 3G xidməti istifadəçilərə təqdim olunacaq.

Qeyd edək ki,3G standartı Beynəlxalq elektron rabitə ittifaqı tərəfindən hazırlanıb və IMT-2000 (International Mobile Telecommunications 2000) adını daşıyır. 3G - "üçüncü nəsil" xidmətlər toplusudur.

O, İnternet şəbəkəsinin xidmətlərinə yüksəksürətli mobil çıxış, həmçinin məlumatların ötürülməsi kanalını yaradan radiorabitə texnologiyasını özündə birləşdirir.

Üçüncü nəsil 3G şəbəkəsi təxminən 2 HGz tezlik diapazonunda işləyir və məlumatları 2 Мbit/s sürətilə ötürür. Onlar videotelefon rabitəsi qurmağa, mobil telefonda film və televiziya proqramlarını və s. izləmək imkanı verir.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.