“Delta Telecom” gələn il Azərbaycanda mobile-WIMAX xidmətlərini təqdim edəcək

03-12-2009 / 19:10

“Delta Telecom” şirkəti 2010-cu ildə Azərbaycanda mobile-WIMAX xidmətlərini yerli bazara təqdim edəcək.

Bu barədə “Delta Telecom” şirkətinin texniki direktoru Rahid Ələkbərli jurnalistlərə açıqlamasında bildirib ki, “Delta Telecom”un WIMAX şəbəkəsi 802.16i standartı üzərində qurulur.

R.Ələkbərlinin sözlərinə görə, dünya üzrə bütün istehsalçılar bir neçə perspektiv inkişaf istiqamətinə bölünürlər. Bunlardan biri 802.16i standartı üzərində qurulmuş inkişaf istiqamətidir ki, artıq şirkət tərəfindən mobile-WIMAX xidmətlərinin əsası kimi tətbiq edilib və 10 Mbit/s internet xidmətləri təqdim edir.

WIMAX texnologiyasının 802.16i standartının evolyusiyasının növbəti mərhələsi 802.16m standartıdır. Bu standartın imkanları artıq LTE texnologiyasını da üstələyir və LTE-100 mbit/s tutumda internet təqdim etmək iqtidarındadırsa, 802.16m standartı 300 Mbit/s internet sürət təklif edir. Bu standartın artıq ilkin testləri keçirilib və istehsalçılar arasında əsasən “Samsung” şirkəti irəli gedir. 802.16m standartı HD (yüksək sürətli televiziya) xidmətlərinin birbaşa mobil telefonda və ya ev kompüterində yayımını təmin edir.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.