“1957-ci ildə ana dilinin statusunu ölkədə qaldırmaq məsələsi meydana çıxanda Azərbaycan Ali Sovetinin qərarı ilə Kənd Təsərrüfatı, Mədəniyyət və Maliyyə nazirliklərində Azərbaycan dilinin tətbiqinin vəziyyəti yoxlanılıb. Çox güman ki, biz də bu ənənəyə sadiq qalaraq, belə bir yoxlamaya həmin üç nazirlikdən başlayacağıq”.
Xeberler.az-ın məlumatına görə, bunu Azərbaycan Milli Elmlər Akademiyası (AMEA) Nəsimi adına Dilçilik İnstitutunun Monitorinq şöbəsinin müdiri, professor Qulu Məhərrəmli deyib.
Q. Məhərrəmlinin sözlərinə görə, Dilçilik İnstitutu bu işə gələn il başlayacaq: “Gələcəkdə həmin nazirliklərin sayı artacaq. Burada məqsəd hər hansı nazirlikdə səhv tapmaq deyil. Əsas məqsəd Azərbaycan dilinin düzgün tətbiqidir. Məsələn, kargüzarlıq sənədlərinin nümunələri, prezidentin sərəncamı var. Biz o nümunələrin üzərində işləyirik ki, nazirliklər məktub yazanda, çıxarış edəndə kargüzarlıqla bağlı qaydaları nəzərə alsın. Biz əminik ki, bu işlər qaydasındadır. Amma hər halda buna dilçi alimlərin baxmağı çox vacibdir. Çünki dil əsas ünsiyyət vasitəsidir və bu rəsmi sənədlərdə öz əksini çox dəqiq, dürüst və aydın şəkildə tapmalıdır. Təəssüf ki, bəzən belə olmur. Mətbuatda bəzi icra hakimiyyəti orqanlarının sənədləri çap olunur. Baxırsan ki, dilin qaydaları gözlənilmir”.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları