Dilçiliklə bağlı Qaynar xətt nə üçün qısa nömrə deyil?

21-11-2015 / 12:03

Məlumat verdiyimiz kimi, ölkədə dil məsələləri ilə bağlı Qaynar xətt sistemi yaradılır.

 Xeberler.az məsələni mütəmadi olaraq diqqətdə saxlayır. 

Hazırda bu istiqamətdə görülən işlərdən danışan Azərbaycan Milli Elmlər Akademiyası (AMEA) Nəsimi adına Dilçilik İnstitutunun Monitorinq şöbəsinin müdiri, professor Qulu Məhərrəmli Xeberler.az-a bildirib ki, Qaynar xətt xidmətinin istifadəyə veriləcəyi tarix noyabrın 23-də rəsmi şəkildə ictimaiyyətə elan ediləcək.  

Qulu Məhərrəmli artıq Qaynar xəttin nömrəsinin də müəyyən olunduğunu bildirib. Belə ki,  Qaynar xəttin nömrəsi 7 rəqəmdən ibarət şəhər nömrəsidir. Qaynar xətt nömrəsinin qısa olmamasının səbəbini Xeberler.az-la bölüşən Qulu Məhərrəmli bildirib ki, qısa nömrələrin illik abunə haqqı dörd min manatdır:

“Dilçilik İnstitutunun bu qədər vəsaiti ödəmək üçün maliyyəsi yoxdur. Digər texniki işlərin və avadanlıqların alınmasında da Rabitə və Yüksək Texnologiyalar Nazirliyi dəstək olurdu”.

Qeyd edək ki, dil məsələləri ilə bağlı yaradılan sistemdə quraşdırılmış robot müraciət edən vətəndaşa dərhal cavab verəcək və vətandaşın qeydi, iradı qəbul ediləcək. Bir gün sonra isə vətəndaşla əlaqə saxlanılacaq və məsələ həll olunacaq.

Bu fəaliyyət  Prezident İlham Əliyevin 2013-cü il 9 aprel tarixli Sərəncamı ilə “Azərbaycan dilinin qloballaşma şəraitində zamanın tələblərinə uyğun istifadəsinə və ölkədə dilçiliyin inkişafına dair Dövlət Proqramı” a əsasən həyata keçirilir. Məhz bu Proqramda dilçiliyin inkişafı və ölkədə dildən istifadənin inkişaf etdirilməsi ilə bağlı mühüm əhəmiyyətli məsələlər öz əksini tapıb.

 Sevinc Çəltikova


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.