Dil məsələləri ilə bağlı Qaynar xətt sınaq mərhələsindədir

03-06-2015 / 17:33

“Dil məsələləri ilə bağlı Qaynar xətt Sisteminin texniki avadanlıqlarının hazırlığı, robotların sazlanması, proqram təminatının hazırlanması istiqamətində işlər davam etdirilir”.

Məlum olduğu kimi, Prezident İlham Əliyevin 2013-cü il 9 aprel tarixli Sərəncamı ilə “Azərbaycan dilinin qloballaşma şəraitində zamanın tələblərinə uyğun istifadəsinə və ölkədə dilçiliyin inkişafına dair Dövlət Proqramı” qəbul edilib. Proqramda dilçiliyin inkişafı və ölkədə dildən istifadənin inkişaf etdirilməsi ilə bağlı mühüm əhəmiyyətli məsələlər öz əksini tapıb.

Xüsusilə də, ölkədə İKT sahəsində, İnternetdə Azərbaycan dilinin tətbiqi ilə əlaqəli bir sıra problemlərin həlli də nəzərdə tutulub.

Xeberler.az Dövlət Proqramında nəzərdə tutulanların gerçəkləşməsi istiqamətində hansı addımların atılması ilə bağlı bir müddət əvvəl məlumat verib.

Bəs görəsən, bu sahədə hazırda görülən işlər nə yerdədir? Layihənin yaxın müddətdə istifədəyə verilməsi gözlənilirmi?

Məsələylə bağlı Xeberler.az-ın suallarını cavablandıran professor Qulu Məhərrəmli bildirib ki, dil məsələləri ilə bağlı Qaynar xətt sisteminin texniki avadanlıqlarının hazırlığı, robotların sazlanması, proqram təminatının hazırlanması istiqamətində işlər davam etdirilir.

Buna baxmayaraq, o, Dilçilik institutunun bu sahədə imkanlarının məhdud olduğunu da bildirib: “Dilçilik İnstitutunun istəyinə uyğun olaraq proqramı Rabitə və Yüksək Texnologiyalar Nazirliyi hazırlayır. Lakin hazırda Dilçilik institutunun bu sahədə imkanları məhduddur. Bu səbəbdən digər təşkilatların köməyi ilə layihənin həyata keçirilməsi planlaşdırılır”.

Qulu Məhərrəmlinin sözlərinə görə, Qaynar xətt sistemi ənənəvi xidmətlərdən tamamilə fərqlənəcək: “Sistemin yaxın zamanlarda sınaq mərhələsindən keçirilməsi gözlənilir. İlkin mərhələdə nitq və dil qüsurları ilə bağlı məlumatlar veriləcək, ikinci mərhələdə isə sorğuların keçirilməsi nəzərdə tutulur. Dilçilik İnstitutunun saytında qaynar xəttlə əlaqəli bölmə fəaliyyət göstərəcək. Həmçinin ayrıca veb saytın yaradılması da nəzərdə tutulur. Lakin bu ikinci mərhələ üçün planlaşdırılıb”.

Qulu Məhərrəmli qeyd edib ki, məsələlərin hər biri kifayət qədər enerji və maliyyə tələb edən faktorlardır. Həmçinin texniki avadanlıqlar da tam şəkildə hazır deyil.

Qulu Məhərrəmli onu da qeyd edib ki, Qaynar xətt üçün nəzərdə tutulan qısa nömrə də artıq müəyyənləşib.

Sevinc Çəltikova


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.