AVADANLIQ

Azərbaycan Rabitə və İnformasiya Texnologiyaları Nazirliyi Dövlət informasiya ehtiyatları Reyestrinin aparılmasına hazırlıq işləri həyata keçirir.

Nazirliyin informasiya cəmiyyətinin inkişafı şöbəsinin müdiri Rüfət Gülməmmədovun görə, ilkin mərhələdə layihə çərçivəsində texniki proqram təminatının hazırlanması və texniki avadanlığın təmin edilməsi istiqamətində işlər aparılacaq.

R.Gülməmmədovun verdiyi məlumata  görə, bu işlər cari ilin sonuna kimi həyata keçiriləcək. Dövlət informasiya ehtiyatlarının reyestrinin aparılması qaydaları haqqında əsasnaməyə uyğun olaraq reyestrin operatoru olan Azərbaycan Rabitə və İnformasiya Texnologiyaları Nazirliyinə reyestrin fəaliyyətinin təşkili ilə yanaşı aşağıdakı məsələlər həvalə edilib:

• metodik, informasiya-linqvistik, proqram-texniki dəstəyin təmin olunması.
• informasiya ehtiyatları barədə və digər xidməti məlumatların Reyestrə daxil edilməsi və yenilənməsi.
• reyestrdən çıxarışların verilməsi.
• reyestrə daxil edilmiş informasiya ehtiyatları barədə sənədli arxivin aparılması və saxlanılması.
• reyestr barəsində məlumat daxil edilmiş informasiya ehtiyatları haqqında statistik məlumatların və analitik hesabatların hazırlanması.
• reyestrin internet portalının yaradılması və aktuallaşdırılması.
• reyestrin dayanıqlı işləməsinin və informasiya təhlükəsizliyinin təmin edilməsi.

                                                                                                                 mənbə: APA