Azərbaycan Respublikası Nazirlər Kabineti Dövlət Təhlükəsizliyi Xidmətinin (DTX) Mərkəzləşdirilmiş İnformasiya və Rəqəmsal Analitika Sisteminin bir sıra dövlət informasiya sistemləri və elektron platformalarla inteqrasiyasını nəzərdə tutan qərar qəbul edib.
Xeberler.az məlumat verir ki, qərara əsasən, DTX-nin Mərkəzləşdirilmiş İnformasiya və Rəqəmsal Analitika Sistemi Ünvan Reyestri İnformasiya Sistemi ilə inteqrasiya olunacaq informasiya sistemlərinin siyahısına daxil edilib.
Sənədə görə, sistem həmçinin “Lisenziyalar və icazələr” portalına inteqrasiya ediləcək. Bu çərçivədə DTX tərəfindən verilən lisenziya və icazələr barədə məlumatların portal üzərindən təqdim olunması təmin ediləcək. İntegrasiya prosesinin 2026-cı il ərzində tamamlanması nəzərdə tutulur.
Bundan başqa, Nazirlər Kabinetinin qərarı ilə DTX-nin Mərkəzləşdirilmiş İnformasiya və Rəqəmsal Analitika Sistemi “Yüksəkixtisaslı miqrant” portalına inteqrasiya olunacaq informasiya sistemlərinin siyahısına da əlavə edilib.
Qeyd edək ki, sözügedən qərar Azərbaycan Respublikası Prezidentinin 2025-ci il 21 noyabr tarixli “Azərbaycan Respublikası Dövlət Təhlükəsizliyi Xidmətinin Mərkəzləşdirilmiş İnformasiya və Rəqəmsal Analitika Sisteminin yaradılması və bununla əlaqədar bir sıra məsələlərin tənzimlənməsi haqqında” Fərmanının icrasının təmin edilməsi məqsədilə qəbul olunub.
Yeni dəyişikliklərin dövlət informasiya sistemləri arasında məlumat mübadiləsinin genişləndirilməsinə, rəqəmsal idarəetmə imkanlarının artırılmasına və dövlət xidmətlərinin daha operativ həyata keçirilməsinə töhfə verəcəyi gözlənilir.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları