Dünyada ən təhlükəli messencer hansıdır?

28-06-2016 / 16:07

ABŞ-ın Gizmodo nəşri yazır ki, Telegram messenceri istifadəçiləri lazımi təhlükəsizlik səviyyəsi ilə təmin etmir.

İnformasiya təhlükəsizliyi üzrə mütəxəssislərin fikirlərinə istinad edən nəşr dərhal bu messencerdən istifadəni dayandırmağı tövsiyə edir.
 
Başlanğıc ayar kimi şifrləmənin olmaması

Əsas problemlərdən biri odur ki, Telegram messencerində çatlar başlanğıc ayar kimi şifrlənmir. "Şifrlənmiş qoşulma ilə ünsiyyət saxladığını düşünən bir çox Telegram istifadəçisi mövcuddur. Amma əslində belə deyil, sözügedən funksiyanı aktivləşdirmək lazımdır" – Amerika Vətəndaş Azadlıqları İttifaqının baş texnoloqu məlumat verib.

Xeberler.az RYTN-in elektron xəbər xidmətinə istinadən məlumat verir ki, Telegram messencerinin yaradıcıları isə bunun əksini iddia edirlər. Messencerin saytında yazılıb ki, adı çəkilən messencer WhatsApp qədər təhlükəsizdir. Amma ekspertlərin fikrinə əsasən, WhatsApp təhlükəsiz şifrləmə protokolundan istifadə edir, hər bir mesaj və hər bir telefon zəngini şifrləyir.
 
Şəxsi şifrləmə alqoritmi

Ekspertlərin fikrincə, Telegram-ın yaradıcıları “MTproto” adlı şəxsi şifrləmə protokolunu yaratmaqla böyük səhvə yol veriblər. "Biz bu protokolun təhlükəsizliyi ilə bağlı  hər hansı fikir söyləyə bilmərik. Məhz bu qeyri-müəyyənlik təhlükəsizliklə bağlı problem yaradır. Kriptoqraflar çox vaxt şifrləmə alqoritmlərini bütünlüklə dərc edir. Amma Telegram-da o gizlədilib. Kifayət qədər təcrübə olmadan, şəxsi şifrləmə alqoritmi yazmaq böyük riskdir. Heç kim Telegram komandasının bu addımını anlamır" – Böyük Britaniyada yerləşən Surrey Universitetinin professoru Alan Vudvard deyib.

“Messencerin rəsmi bloquna əsasən, şirkətdə bir neçə parlaq riyaziyyatçı çalışır, onlar kriptoqraf olmasalar da, amma şəxsi şifrləmə alqoritmi yaratmaq üçün kifayət qədər ağıllıdırlar. Mən bu alqoritmdə boşluq olduğunu deyə bilmərəm. Sadəcə belə olmamalıdır" – Cons Hopkins Universitetinin professoru Metyu Qrin bildirib.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.