"Telegram Premium" istifadəyə verilib

20-06-2022 / 10:41

  Teleqram messenceri öz servisində Premium abunəliyin istifadəyə verildiyini elan edib. Bu barədə məlumat şirkətin rəsmi saytında qeyd edilib. Beləliklə "Telegram Premium" vasitəsilə istifadəçilər messencer daxilindəki imkanları genişləndirə biləcəklər.

Xeberler.az bildirir ki, "Telegram Premium"un imkanları aşağıdakı kimi olacaq:

4 GB-a kimi olan faylların yüklənməsi (adi istifadəçilər üçün 2 GB)

Faylların sürətlə yüklənməsi

Reklam elanlarının deaktiv edilməsi

İstifadəçi tərəfindən abunə olunan kanalların (1000 kanala qədər) və yaradılan qovluqların (20 ədəd) say artımı

Messencerin ana səhifəsində 10-a qədər çatın bərkidilməsi (adi istifadəçilərdə 5 ədəd çat)

Seçilmiş stikerlər siyahısına 10 ədəd stikerin əlavə edilməsi

Səsli mesajları mətn formatına çevirmək imkanı

Çatların idarəsi üzrə daha geniş imkanlar

Animasiyalı avatarlar

Unikal stikerlər və reaksiyalar

Premium abunəlik ikonu.

    Bundan əlavə olaraq, Teleqram təmsilçiləri bildiriblər ki, yeni funksiyaların bəziləri həmçinin adi istifadəçilər üçün də aktiv olacaqlar. Bununla yanaşı messencerin Android versiyasına yeni funksiya əlavə edilib. Belə ki, bundan sonra messencerin Android versiyasından istifadə edən istifadəçilər qəbul edilən mesajların ön baxışını reallaşdıra biləcəklər. Bu halda qəbul edilmiş mesaj oxunmuş mesaj kimi qəbul edilməyəcək. Bunun üçün isə mesaj gndərmiş şəxsin fotosuna klikləyib saxlamaq lazım olacaq. Qəbul edilən bütün fayllar isə avtomatik olaraq cihazın "Gallery" bölməsində saxlanacaqlar. Bu funksiyanı fərdi olaraq aktivləşdirmək və ya deaktivləşdirmək mümkündür. "Telegram Premium"un aylıq ödəniş haqqının nə qədər təşkil edəcəyi barəsində rəsmi məlumat verilməyib.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.