SOSİAL MEDIA

Bir neçə gün öncə məlumat verdiyimiz kimi, WhatsApp-da yeni boşluq tapılıb.

Xarici mediada geniş müzakirələrə səbəb olan bu hadisə istifadəçiləri də ciddi narahat edib.

Belə ki, iddia edilir ki, bu boşluq platformada istifadəçilərin yazışmalarını asanlıqla qıra bilir.

Xatırladaq ki, WhatsApp bir neçə ay öncə “end-to-end” şifrləməsi xidmətini istifadəyə verdi Bununla da esajlar yalnız yazışma iştirakçıları tərəfindən görülə bilirdi.

Amma xidmətdə istifadəçilərin mesajlarını ələ keçirməyə imkan verən kritik boşluq aşkarlanıb. Lakin WhatsApp-ın bu funksiyası doğru işləmir.

The Guardian-ın məlumatına istinadən bildirir ki, yeni boşluğa görə, WhatsApp oflaynda olan istifadəçilər üçün yeni şifrləmə açarları yaradır.

Bu səbəbdən mesaj göndərənin qurğusu təkrar şifrləmə həyata keçirir və yeni açardan istifadəyə əsaslanan ”görülmüş” kimi nişanlanmamış mesaj göndərir.

Bu halda qəbul edən şifrləmə açarının dəyişdirilməsindən xəbərsiz olur. Beləliklə, şifrləmə açarının dəyişildiyi an WhatsApp-ın yaradıcıları istifadəçilərin mesajlarını ələ keçirə və oxuya bilər.

WhatsApp məsələ ilə bağlı açıqlama yayıb.

Xeberler.az The Guardian-ın yayımladığı açıqlamaya istinadən bildirir ki, şirkət bu  iddiaları təkzib edib.

WhatsApp bildirib ki, şirkət sistemə digər orqanların daxil olmasına icazə vermir:

“WhatsApp bundan sonra da qeyd edilən məsələyə diqqət edəcək və  sistemdə kənar müdaxilələrə mübarizə aparacaq.  Həmçinin istifadəçilər  şirkətin təklif etdiyi xüsusi funksiyanın köməyi ilə bizi mümkün təhlükəsizlik təhdidləri barədə xəbərdar edə bilər. Şifrləmənin texniki təfərrüatlarını dərc etmişik və həmişə dövlət tərəfindən olan sorğuları Facebook sosial şəbəkəsində dərc etmişik”.

Günel