Ən az trafik sərf edən mobil messencer hansıdır?

09-05-2017 / 14:20

İtaliyanın SosTariffe  operatoru ən populyar messencerlər arasında internet trafikinin işlənməsi üzrə statistikanı tədqiq edərək onlardan hansı birinin daha az mobil meqabayt sərf etməsini müəyyənləşdirib.

Xeberler.az NRYTN-in elektron xəbər xidmətinə istinadən məlumat verir ki, müqayisədə WhatsApp, Telegram, Hangouts, Line, Viber, Facebook Messenger və Skype  kimi yeddi messencer iştirak edib.

Ekspertlər tərəfindən testlər 1 saat ərzində LTE şəbəkələrindən istifadə edilməklə aparılıb. Nəticələrdən məlum olub ki, Telegram ən az, Skype və Facebook Messenger isə ən çox trafik sərf edir.

Məlumata görə, sınaqlar üç istifadə rejimi üzrə keçirilib:

Kiçik – 20 göndərilən və 20 alınan məlumat, 5 göndərilən və 5 alınan fotoşəkil.

Orta – 40 göndərilən və 40 alınan məlumat, 10 alınan və 5 göndərilən fotoşəkil.

Yüksək – 100 göndərilən və 100 alınan məlumat, 50 alınan və 20 göndərilən fotoşəkil.

WhatsApp messencerini geridə qoyan Telegram 1 saat istifadə üçün 0,42-3,75 meqabayt nəticə ilə ən az mobil trafik sərf etməsi ilə xarakterizə olunur ki, bu da Facebook  messencerindən 35-40 faiz azdır.

Digər əlavələr saatda 0,65-6,23 meqabayt sərf edən WhatsApp-dan daha çox trafik sərf edirlər.

Hangouts  və Line servisləri WhatsApp  ilə müqayisədə trafiki 6-18 faiz çox işlədir. Lakin aktiv rejimdə Line 5,85 meqabayt, WhatsApp isə 6,23 meqabayt sərf edib.

Viber, Facebook Messenger və Skype ən çox internet trafiki sərf edənlər sırasında yer alıb. Belə ki, Viber saatda 1,56-15,25, Facebook və Skype  isə 2,05-22,22 meqabayt işlədib.  

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.