“eCall” sisteminin 2018-ci ildən avtomobillərdə quraşdırılması məcburi olacaq

02-05-2015 / 12:39

Avropa Parlamenti 1 aprel 2018-ci ildən etibarən Avropa İttifaqı (Aİ) ərazisində satılan bütün yeni avtomobillərin sinfindən və qiymətindən asılı olmayaraq mütləq şəkildə "eCall” təcili kömək çağırış sistemi ilə təchiz edilməsinə dair qərar qəbul edib.  
Xəbərlər RYTN-nin rəsmi saytına istinadən məlumat verir ki, sistemdən istifadə pulsuzdur, onun quraşdırılması isə 100 avroya başa gəlir.  

 “eCall” xidməti yol-nəqliyyat hadisəsi baş verdikdə və avtomobildə təhlükəsizlik yastıqları açıldıqda 112 vahid telefon nömrəsi üzrə xilasetmə xidmətinin avtomatik çağırılmasını nəzərdə tutan xüsusi proqram-aparat kompleksidir. Servis dispetçerə təkcə qəza yerini deyil, həm də hadisənin baş vermə vaxtı, maşının markası, onun istifadə etdiyi yanacaq növü və salonda olan insanların sayı barədə məlumat ötürür.

 Parlamentarilərin fikrincə, avtomobillərin belə sistemlərlə təchiz edilməsi yol-nəqliyyat hadisəsi yerinə yardımın gəlməsi vaxtını 40-50 faiz qısaldacaq ki, bu da yollarda ölüm hallarını minimum 10 faiz azaldacaq. Bu isə ildə 2500 nəfərin həyatının xilas edilməsi deməkdir. Statistikaya əsasən, 2014-cü ildə Aİ-də 25 700-dən çox insan avtomobil qəzalarının qurbanı olub.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.