Dronlar qəza zamanı özü məhv olacaq

01-12-2017 / 13:02

Amazon şirkəti dronların mümkün qəzalarının qarşısını almaq və ya minimallaşdırmaq üçün öz uçan aparatlarını özünüməhvetmə sistemi ilə təchiz etmək qərarına gəlib.

Xeberler.az xarici mediaya istinadən məlumat verir ki, dron-kuryerlər yalnız Amazon-da deyil, digər şirkətlərdə də çatdırılma üsullarından birinə çevrildikdə onlar arasında qəzaların sayının artması gözləniləndir.

Mütəxəssislər sexdə tez bir zamanda aparatı digər detallarla əvəz etməklə onun keyfiyyətli təmirini həyata keçirə bilsələr də, çatdırılma zamanı bunu etmək daha mürəkkəb olacaq.

Buna görə də, dronu bağlaması ilə birlikdə özü məhv olmağa məcbur etmək bağlamanın narazı sahibləri ilə məhkəməyə cəlb olunmaqdan daha yaxşıdır.

Belə ki, xüsusi proqram təminatı aparat və onun ayrı-ayrı hissələrinin konstruksiyasının saz vəziyyətdə olub-olmadığını izləyəcək.

Proqram nasazlığı aşkar edərək dronun zədələrin xarakterindən asılı olaraq qərar qəbul edəcək bort kompüterinə siqnal göndərəcək.

Dron növbə ilə müxtəlif modulları ayıraraq sınmış elementi açacaq və ya havada hissələrə ayıracaq. Bu üsulla insan, heyvan və ya əmlaka dəyəcək zərəri əhəmiyyətli dərəcədə azaltmaq mümkün olacaq.

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.