Dövlət provayderləri ya özəlləşdirilməli, ya da ləğv edilməlidir

17-07-2012 / 22:55

Bu gün "Ənənəvi KİV-dən onlayn mediaya" mövzusunda beynəlxalq konfrans keçirilib.

Xəbərlər-in verdiyi məlumata görə, Avropa Şurası, Avropa İttifaqı, Azərbaycan Mətbuat Şurası, ATƏT-in Bakı Ofisi və Böyük Britaniyanın ölkəmizdəki səfirliyinin dəstəyi ilə keçirilən konfransın əsas məqsədinin ənənəvi və onlayn media sahəsində beynəlxalq təcrübəni bölüşmək olduğu bildirilib.

Konfransda çıxış edən Azərbaycan İnternet Forumunun prezidenti Osman Gündüz  çıxışında Azərbaycanda internet bazarının ümumi mənzərəsi, problemləri və bu problemlərin On-Line mediaya necə təsir etməsindən və ölkədə  social media ilə bağlı vəziyyətdən  danışıb.

Ölkədə Yeni Medianın sürətli inkişaf etdiyi bir məqamda adı çəkilən mövzunun kifayət qədər önəmli olduğunu diqqətə çatdıran O.Gündüz internet mediada işləyən kadrların peşəkarlığının artırılmasına, yeni medianın tədrisinin təkmilləşdirilməsinə ehtiyac olduğunu, rəhbərlik etdiyi qurum tərəfindən bu istiqamətdə görülən işlərdən  sohbət açıb.

O həmçinin, dövlət provayderlərinin özəlləşdirilməsi və ya ləğv edilməsi, internet medianın akkreditasiyası prosedurunun həlli, sosial media istiafdəçilərinin və media qurumalrının informasiya təhlükəsizliyinin qorunması,  sosial mediada peşəkarlıq və kadr problemləri, muxtəlif qurumların sosial mediadan effektiv istiafdə mexanizmlərinin hazırlanması məsələlərinə də toxunub.

Bundan əlavə, O.Gündüz Bakıda noyabr ayında keçiriləcək beynəlxalq İnternet İdarəçiliyi Forumuna diqqəti  çəkərək  ölkədə İnternet problemlərinin həllinin vacibliyindən danışıb.  Xüsusilə də milli internet ünvanları  -  .az  domneninin qeydiyyatın prosesində olan ciddi  nöqsanların aradan qaldırılmasının labüdlüyünü vurğulayıb.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.